Беларусы распрацавалі «карысныя» кетчупы

Хто зможа пакаштаваць.

Дзіцячаму харчаванню ў школах і садках аддаюць увагу не першы год.

Так, у Беларусі з'явіліся новыя альтэрнатыўныя прадукты, якія прыносяць толькі карысць юным жыхарам краіны, піша БелТА.

Задачай распрацоўкі тэхналогіі вытворчасці кансерваў з гародніны і садавіны займаліся спецыялісты Акадэміі навук, расказала намесніца гендырэктара Навукова-практычнага цэнтра НАН Наталля Камарова.

Атрымаліся фруктовыя соўсы, пюрэ, дэсерты і кактэйлі.

«У прадуктах зменшанае ўтрыманне цукру, паніжаная кіслотнасць, адсутнічаюць фарбавальнікі, араматызатары, падсалоджвальнікі, кансерванты, генетычна мадыфікаваная сыравіна», – растлумачыла Наталля Камарова.

Паводле ейных словаў, рэцэптаў атрымалася больш за дзясятак.

Сярод прадукцыі ёсць таксама кансерваваныя агуркі і таматы, але без утрымання забароненых у дзіцячым харчаванні спецый, дзе воцат заменены цытрынавым або яблычным сокам.

«Дзеці любяць кетчуп і соўсы, але не ўсе гэтыя кетчупы падыходзяць для харчавання дзяцей дашкольнага і школьнага ўзросту. Таму паставілі такую задачу: распрацаваць менавіта соўсы, якія былі б у тым ліку і карысныя для дзяцей. Яны ўжо ёсць у продажы», – падсумавала спецыялістка.

Дарэчы, за прадукцыю будзе адказваць кансервавы завод у Быхаве.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]