Тайланд пачаў аперацыю «Вайна за зямлю» супраць Камбоджы
8- 24.07.2025, 18:40
- 9,366
Задзейнічалі сухапутныя падраздзяленні і авіяцыю.
Узброеныя сілы Тайланда пачалі аперацыю "Вайна за зямлю” у якой задзейнічалі сухапутныя падраздзяленні і авіяцыі, паведамляе Khaosod.
Паведамляецца аб прымяненні знішчальнікаў F-16, а таксама знішчэнні двух камбаджыйскіх танкаў на адным з кантрольна-прапускных пунктаў.
Крыніцай напружанасці на мяжы Тайланда і Камбоджы застаецца спрэчка, якая працягваецца больш за стагоддзе за тэрыторыі храмавых комплексаў Пра Віхеар і Тая Моан Тхом. У 1962 годзе Міжнародны суд ААН пастанавіў, што Пра Віхеар належыць Камбоджы, аднак гэта не спыніла спрэчак.
У 2008 годзе ўлады Тайланда апратэставалі дзеянні Камбоджы адносна ўнясення храмавага комплексу ў спіс аб'ектаў Сусветнай спадчыны ЮНЕСКА. У 2008-2011 гадах у прылеглых да мяжы раёнах адбываліся баявыя сутыкненні.
Раней улады Тайланда заклікалі сваіх грамадзян тэрмінова пакінуць Камбоджу на фоне серый боесутыкненняў на мяжы дзвюх краін. Дыпламаты лічаць, што канфлікт "зацягнецца і можа яшчэ больш пашырыцца".
Амбасада таксама звярнулася з просьбай да грамадзян устрымацца ад любых неістотных паездак у Камбоджу. Улады Тайланда разам прынялі пастанову эвакуяваць жыхароў чатырох правінцый ля мяжы з Камбоджай.
Абвастрэнне канфлікту паміж Тайландам і Камбоджай пачалося з перастрэлкі паміж вайскоўцамі на спрэчным участку мяжы. Паводле звестак тайскіх уладаў, баі ахапілі не менш за шэсць раёнаў.
Камбаджыйскія сілы нанеслі ўдары з рэактыўных сістэм залпавага агню "Град" па грамадзянскай інфраструктуры. Ёсць ахвяры і пацярпелыя сярод мірнага насельніцтва. У адказ ПС Тайланда атакавалі цэлі на тэрыторыі Камбоджы.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
