Украінскія F-16 атрымалі спецыялізаваныя машыны для мабільных аперацый
- 24.07.2025, 16:11
- 2,276
Комплексы значна спрашчаюць падрыхтоўку знішчальнікаў да баявых вылетаў.
Узброеныя сілы Украіны атрымалі новы камплект спецыялізаваных аўтамабіляў, прызначаных для абслугоўвання і суправаджэння амерыканскіх знішчальнікаў F-16 ва ўмовах пастаяннай змены пазіцый, піша TWZ (пераклад - сайт Charter97.org).
Гэта частка стратэгіі базавання, якая дазваляе мінімізаваць рызыку ўдараў з боку Расеі і захаваць баяздольнасць авіяцыі.
Дабрачынны фонд "Вярніся жывым" паведаміў пра перадачу двух камплектаў тэхнікі, якія змяшчаюць майстэрні на базе аўтамабіляў Iveco, грузавікі з кранамі для падвескі ўзбраення, пікапы Peugeot для персаналу, а таксама мабільны камандны пункт на базе 6×6 MAN з прычэпам, у якім магчымае як планаванне місій, так і адпачынак.
Частку сродкаў вылучыла дзяржаўная кампанія "Укрнафта". Паводле слоў дырэктара фонду Тараса Чмута, праект дасць магчымасць максімальна эфектыўна выкарыстоўваць F-16 ва ўмовах актыўных баявых дзеянняў, дзе хуткасць і мабільнасць адыгрываюць крытычную ролю.
Комплексы значна спрашчаюць падрыхтоўку знішчальнікаў да баявых вылетаў - зараз заміж 10-12 чалавек для падвескі боепрыпасаў дастаткова траіх. Гэта асабліва важна ва ўмовах недахопу кваліфікаваных спецыялістаў і размяшчэння баз.
Вопыт Украіны ў мабільных аперацыях ужо вывучаюць ўзброеныя сілы ЗША, якія адаптуюць аналагічныя падыходы (Agile Combat Employment) для патэнцыйных канфліктаў і магчымых дзеянняў у Ціхаакіянскім рэгіёне.
Новыя машыны забяспечваюць хуткую перадыслакацыю і падтрымку F-16 у палявых умовах, дазваляючы украінскім ПСУ захоўваць гнуткасць і выжывальнасць ва ўмовах поўнамаштабнай вайны
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
