Eurostat: Польшча - другая ў ЕЗ паводле росту прамысловасці за 25 гадоў

Гэта стала вынікам інвестыцый у вытворчасць.

Паводле звестак Eurostat, апублікаваных 23 ліпеня, Польшча заняла другое месца ў Еўразвязе паводле росту прамысловай вытворчасці з 2000 года-сярэдні гадавы рост склаў 4,9%. Лідарам стала Ірландыя з паказчыкам 5,6%, аднак аналітыкі адзначаюць, што яе вынікі істотна залежалі ад ваганняў кан'юнктуры, паведамляе «Польскае радыё».

У сярэднім у ЕЗ прамысловасць расла на 0,6% на год. Устойлівы рост звыш 4% назіраўся таксама ў Літве, Эстоніі і Славакіі.

Eurostat падкрэслівае, што рост у Польшчы мае стабільны характар і паказвае на доўгатэрміновае структурнае ўмацаванне эканомікі. Гэта стала вынікам інвестыцый у вытворчасць, экспартна арыентаваны рост і інтэграцыю з ланцужкамі паставак ўнутры ЕЗ.

Найбольшае падзенне адзначалася ў Італіі (-1,1%) і Партугаліі (-0,9%). Скарачэнне вытворчасці адбылося і ў Гішпаніі, Францыі, Грэцыі і Люксембургу.

У апошнія 25 гадоў у ЕЗ найбольш дынамічна развіваліся фармацэўтыка, вытворчасць электраабсталявання, транспартных сродкаў і кампутарнай тэхнікі. Здабыўная прамысловасць у ЕЗ скарацілася амаль удвая.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]