Reuters: Расея купляе рухавікі для дронаў у Кітая пад выглядам лядоўняў

Выкрытая схема паставак.

Кітайскія рухавікі таемна пастаўляюцца праз падстаўныя кампаніі дзяржаўнаму вытворцу беспілотнікаў у Расеі пад маркіроўкай “прамысловых халадзільных установак", каб пазбегнуць выяўлення пасля ўвядзення заходніх санкцый.

Пра гэта піша Reuters са спасылкай на ўласныя крыніцы ў еўрапейскіх органах бяспекі, а таксама мытныя дакументы.

"Вырабленыя ў Кітаі рухавікі таемна адпраўляюць праз падстаўныя кампаніі дзяржаўнаму вытворцу дронаў у Расеі, называючы іх “прамысловымі астуджальнымі прыборамі”, каб пазбегнуць выяўлення праз заходнія санкцыі", - гаворыцца ў матэрыяле.

Гэтыя пастаўкі дазволілі расейскаму вытворцу зброі ІЭМЗ "Купал” павялічыць вытворчасць ударных беспілотнікаў “Гарпія-А1", нягледзячы на санкцыі ЗША і ЕЗ, уведзеныя ў кастрычніку.

Унутраны дакумент кампаніі “Купал”, з якім азнаёмілася агенцтва, сведчыць аб падпісанні кантракту з Мінабароны Расеі на вытворчасць больш як 6 тысяч “Гарпіі” сёлета, у параўнанні з 2 тысячамі ў 2024 годзе. У дакуменце пазначана, што да красавіка ўжо было пастаўлена больш за 1,5 тысяч беспілотнікаў.

Гэты беспілотнік далёкага радыусу дзеяння выкарыстоўваецца для нападаў на цывільныя і вайсковыя аб'екты ў глыбіні ўкраінскай тэрыторыі, прычым штомесяц Расея выкарыстоўвае блізу 500 такіх беспілотнікаў.

"Тое, што гэтыя тавары паказваюцца як “астуджальныя прыборы”, дазваляе экспартаваць іх у Расею, не выклікаючы падазрэнняў ва ўрада Кітая”, - расказаў адзін з суразмоўцаў Reuters.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]