Зяленскі падпісаў указ пра аўдыт дзяржаўных выдаткаў

Прэзідэнт Украіны чакае ад ураду канкрэтных вынікаў цягам месяца.

Прэзідэнт Украіны Уладзімір Зяленскі абвясціў, што падпісаў указ аб скарачэнні бюракратычных працэдураў і правядзенні неадкладнага аўдыту дзяржаўных выдаткаў.

Пра гэта кіраўнік украінскай дзяржавы заявіў 23 ліпеня ў вечаровым відэазвароце.

«Сёння я падпісаў указ аб скарачэнні бюракратычных працэдураў і правядзенні неадкладнага аўдыту дзяржаўных выдаткаў. Я чакаю ад ураду Украіны цягам месяца канкрэтных вынікаў, каб накіраваць максімум – максімум нашых дзяржаўных рэсурсаў на абарону Украіны, на ўстойлівасць нашай дзяржавы», – адзначыў прэзідэнт Зяленскі.

Згодна з тэкстам указа, апублікаванага на сайце Офіса прэзідэнта, кіраўнік дзяржавы даручыў Кабінету міністраў:

Прааналізаваць інстытуцыйную і функцыянальную здольнасць органаў улады ў інтарэсах нацыянальнай бяспекі і абароны Украіны, а потым ужыць захады, накіраваныя на недапушчэнне дублявання паўнамоцтваў, выканання неўласцівых функцый і неэфектыўнага выкарыстання кадравых і бюджэтных рэсурсаў;

Ажыццявіць захады для дэрэгулявання эканамічных працэсаў і скасавання неэфектыўных дзяржрэгуляванняў і выключыць неабгрунтаванае ўмяшанне ў ажыццяўленне дзейнасці прадпрымальнікаў;

Удасканальваць нарматыўна-прававое рэгуляванне ўсіх гэтых пытанняў – сярод іншага падрыхтаваць спіс нарматыўна-прававых актаў Украіны, у якія неабходна ўнесці змены;

Падрыхтаваць да 1 верасня 2025 года прапановы пра захады, накіраваныя на павышэнне эфектыўнасці працы дзяржавы ва ўмовах ваеннага становішча.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]