Беларускі МАЗ скардзіцца на кітайцаў і расейцаў

Яны нібыта «несумленна канкуруюць».

Мінскі аўтамабільны завод адчувае сур'ёзны ціск на расейскім рынку праз «жорсткую і несумленную канкурэнцыю». Пра гэта заявіў намеснік гендырэктара АТ «МАЗ» Аляксандр Ігнацюк у эфіры тэлеканала СТВ.

Паводле ягоных слоў, расейскі рынак - гэта вельмі канкурэнтнае асяроддзе, дзе акрамя мясцовых вытворцаў, якія фактычна кантралююць сітуацыю, актыўны ўдзел прымаюць і кітайскія кампаніі.

- Мы адчуваем ціск як з боку расейскіх гульцоў, якія фактычна з'яўляюцца гаспадарамі рынку, так і з боку кітайскіх вытворцаў, якія актыўна прасоўваюць сваю прадукцыю, — адзначыў Ігнацюк. - Нягледзячы на гэта, у МАЗа ёсць свая ніша і фіксаваная дзель.

Пры гэтым ён падкрэсліў, што барацьба за рынак далёка не заўсёды вядзецца сумленна. Асабліва гэта заўважна ў Санкт-Пецярбургу, дзе зафіксаваныя выпадкі ўзгарання беларускіх аўтамабіляў МАЗ.

- Канкурэнцыя агрэсіўная, уключаючы коштавую катэгорыю. Некаторыя метады відавочна выходзяць за рамкі дзелавой этыкі, — дадаў Ігнацюк, падкрэсліўшы, што беларусы імкнуцца дзейнічаць адкрыта і празрыста.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]