Расейскі «АўтаВАЗ» абвясціў аб скарачэнні працоўнага тыдня
10- 22.07.2025, 10:53
- 4,472
Продажы легкавых аўтамабіляў у РФ абрынуліся.
Найбуйнейшы расейскі аўтавытворца «АўтаВАЗ» увосень разгледзіць магчымасць скарачэння працоўнага тыдня праз стан аўтарынка, паведамляе Reuters са спасылкай на заяву кампаніі.
«АўтаВАЗ» у канцы чэрвеня паведамляў, што чакае падзення рынку легкавых аўтамабіляў РФ у гэтым годзе на 25% да 1,1 мільёна штук, новы прагноз Асацыяцыі еўрапейскага бізнэсу таксама прадугледжвае падзенне на 24%.
Аўтавытворца можа перайсці на чатырохдзённы працоўны тыдзень замест пяцідзённага праз скарачэнне продажаў, выкліканых высокай ключавой стаўкай і вялікай колькасці імпартных аўтамабіляў на рынку, вынікае з паведамлення.
«Гаворка ідзе аб высокай ключавой стаўцы і ўзмацненні жорсткасці патрабаванняў рэгулятара да пазычальнікаў у аўтакрэдытах. Акрамя таго, у Расею ўвезеная значная колькасць аўтамабіляў імпартнай вытворчасці (пераважна ў 2024-м годзе), пры гэтым імпартныя брэнды вядуць палітыку коштавага дэмпінгу».
Паводле ацэнкі «АўтаВАЗа», запасы нераспрададзеных імпартных аўтамабіляў цяпер складаюць амаль 400 000.
Калі пастанова будзе прынятая, то працоўны тыдзень будзе скарочаны з 29 верасня, гаворыцца ў паведамленні.
«Канчатковая пастанова аб увядзенні рэжыму няпоўнага чатырохдзённага працоўнага тыдня будзе прынятая паводле вынікаў аналізу тэндэнцый на рынку і эканамічных фактараў, у тым ліку ўзроўню ключавой стаўкі і даступнасці крэдытных прадуктаў», — гаворыцца ў паведамленні.
Са звестак аналітычнага агенцтва Аўтастат, у першым паўгоддзі аўтарынак скараціўся на 26,3% да 530 375 штук, пры гэтым да канца паўгоддзя падзенне паскорылася. Продажы «АўтаВАЗа» скараціліся на 25% да 155 481 штукі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
