«А куды звяртацца настаўніку?»
10- 22.07.2025, 9:27
- 5,090
Парада адвакаткі выклікала дыскусіі сярод беларусаў.
Адвакатка Віцебскай калегіі Марыя Новік параіла беларусам высвятляць, чаму настаўнік падвышае голас на іх дзіця на ўроках. У якасці пацвярджэння сваёй парады яна спаслалася на Кодэкс аб адукацыі. Зрэшты, у каментарах да відэа не ўсе гледачы пагадзіліся, піша Telegraf.
«Абавязкі педагагічных работнікаў замацаваны ў артыкуле 53 кодэкса Рэспублікі Беларусь аб адукацыі. Педагагічны работнік абавязаны выконваць прававыя маральныя і этычныя нормы, а таксама паважаць гонар і годнасць навучэнцаў і іншых удзельнікаў адукацыйнага працэсу», — заявіла адвакатка.
Паводле ейных слоў, які-небудзь «Псіхалагічны гвалт, у адукацыйным працэсе, недапушчальны».
«У выпадку, калі педагог у школе падвышае голас на дзіця, рэкамендуецца звярнуцца да дырэктара школы альбо ў орган кіравання і адукацыі. У развязанні гэтай праблемы падчас асабістай сустрэчы бацькоў дзіцяці з педагогам і дырэктарам школы», — дала параду юрыстка, як трэба паступаць згодна з законам.
Яна параіла менавіта на асабістай сустрэчы высветліць «прычыну агрэсіі настаўніка, а таксама знайсці верны спосаб развязання гэтай праблемы».
«А куды звяртацца настаўніку?»
Тым часам, некаторыя гледачы ў TikTok скептычна паставіліся да парады юрысткі, нагадаўшы, што рэальнае жыццё можа паднесці мноства падстаў дзейнічаць не зусім паводле закону.
«Трэба паставіць маладую адвакатку хоць адзін дзень папрацаваць у школе, а потым паглядзець, якія артыкулы яна парушыць», — напісаў адзін з гледачоў.
Тым часам, іншы карыстальнік спытаў і атрымаў сотні падабаек: «А куды звяртацца настаўніку ў выпадку агрэсіі вучня?»
Яшчэ адзін з каментатараў заявіў, што «настаўнік не павысіць голас на вучня, калі вучань паводзіць сябе добра». «Але дзеці цяпер, лічаць сябе вышэй за настаўніка і часам перашкаджаюць іншым вучням», - рэзюмаваў ён.
Настаўнікі таксама маюць права. У Кодэксе аб адукацыі ёсць артыкул 32 «Абавязкі навучэнца», і пры іх парушэнні настаўнік можа пайсці да дырэктара і запатрабаваць прыцягнуць вучня паводле артыкула 118 «Дысцыплінарнае пакаранне для навучэнца».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
