Брытанія аб'явіла санкцыі супраць «ценявага флоту» РФ

Пад абмежаванні патрапілі 135 нафтавых танкераў.

Вялікабрытанія абвясціла новыя санкцыі супраць энэргетычнага і нафтавага сектараў Расеі, паведаміў МЗС.

Пад санкцыі патрапілі 135 нафтавых танкераў, якія ўваходзяць у ценявы флот Расеі.

Лондан абвяшчае новыя абмежаванні пасля таго, як Брытанія і ЕЗ панізілі ліміт коштаў на расейскую нафту з $60 да $47,6 за бараль, адзначылі ў МЗС.

У санкцыйным спісе таксама кіргізскі "Керамет Банк". Брытанія тлумачыць абмежавальныя меры супраць банка тым, што той аказваў падтрымку Расеі ў фінансавых паслугах. "Керамет Банк" таксама знаходзіцца пад амерыканскімі санкцыямі.

Туды ж унесеная кампанія Litasco Middle East DMCC – гандлёвае падраздзяленне ЛУКОЙЛа, якое базуецца ў Дубаі. "Кампанія Litasco Middle East DMCC атрымлівае выгаду ад урада Расеі або аказвае яму падтрымку ў дзейнасці сектара, які мае стратэгічнае значэнне для ўрада Расеі, а менавіта ў расейскім энэргетычным сектары", — гаворыцца ў абгрунтаванні. Bloomberg паведамляў, што ЕЗ разглядае магчымасць увядзення санкцый супраць Litasco Middle East DMCC, аднак гэтаму пярэчыла Вугоршчына.

Пад санкцыі таксама патрапіла кампанія

Intershipping Services LLC – як сцвярджаецца, яна "адказная за рэгістрацыю судоў ценявага флоту пад сцягам Габона".

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]