У Драгічыне ў рыбака выбухнула лодка
10- 21.07.2025, 10:33
- 7,730
Мужчына цудам выжыў.
Удзень 20 ліпеня мужчына рыбаліў з лодкі на вадасховішчы ў Драгічыне. Раптам у яго лопнула частка плывучага сродку і рыбак апынуўся ў вадзе. Выратавалі яго работнікі таварыства выратавання на вадзе, піша «Драгічынскі веснік».
Удзень 20 ліпеня 34-гадовы жыхар Драгічына лавіў рыбу з гумавай лодкі на вадасховішчы.
«У працэсе рыбалкі выбухнуў адзін з надзіманых балонаў лодкі. Апынуўшыся ў вадзе, мужчына пачаў клікаць на дапамогу», - расказалі ў ТВНВ.
Да выратавальнага паста было 500 метраў. Работнік таварыства выратавання на вадзе выратаваў мужчыну і даставіў на бераг.

