Да Сонца ляціць аб'ект, які мог прыляцець з чужой сістэмы
3- 2.07.2025, 19:50
- 9,588
Меркавана, міжзоркавы.
Падобна,што астраномы трэці раз у гісторыі ідэнтыфікавалі міжзоркавы аб'ект, які пралятае праз нашу Сонечную сістэму. Ён атрымаў назву A11pl3Z і можа быць памерам да 20 км. у дыяметры. Аб'ект ляціць да Сонца па траекторыі, паводле якой мяркуюць, што ён узнік за межамі нашай сістэмы, піша EarthSky.
Цэнтр малых планет Міжнароднага астранамічнага звязу 1 ліпеня 2025 года дадаў аб'ект у свой спіс пацверджаных калязямных аб'ектаў. На вэб-сайце NASA/JPL яму была прысвоена назва A11pl3Z.
Нягледзячы на тое, што ён пазначаны як калязямны аб'ект, няма асцярог, што ён сутыкнецца з Зямлёй ці нават наблізіцца да яе на небяспечную адлегласць.
Хутчэй за ўсё, гэта альбо камета, альбо астэроід, але пакуль яшчэ зарана (і занадта далёка), каб казаць пра гэта з упэўненасцю, адзначае выданне.
Новы міжзоркавы госць у нашай Сонечнай сістэме.
— Праз космас (@praz_kosmas) July 2, 2025
У нашай сістэме з’явіўся новы аб’ект, які накіроўваецца да Сонца і, магчыма, ён прыйшоў з міжзоркавай прасторы. Гэта трэці вядомы міжзоркавы аб’ект пасля 1I/ʻOumuamua і каметы 2I/Borisov. Яго часовая назва A11pl3Z.
Паводле… pic.twitter.com/Zdq99Cl3ly
Мяркуецца, што да кастрычніка A11pl3Z праляціць за 28 мільёнаў кіламетраў ад Марса. Паводле траекторыі, ён павінен прайсці з іншага боку Сонца, з-за чаго назіранне пры максімальным збліжэнні з Зямлёй будзе абцяжарана.
Калі пацвердзіцца, што гэта сапраўды міжзоркавы аб'ект, то ён стане трэцім – раней да нас «у госці» прыляталі даўгаваты аб'ект Оумуамуа і камета 2I/Borisov. Прычым прырода нетыповага Оумуамуа да гэтага часу выклікае спрэчкі: адны лічаць яго астэроідам, іншыя - каметай.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
