Якое будзе надвор'е ў Беларусі на наступным тыдні

Спёкі чакаць не выпадае.

Другі месяц лета набліжаецца да канца, але няўстойлівае надвор'е не хоча адпускаць беларусаў.

Ліпень – самы навальнічны месяц. Так што актыўныя атмасферныя франты і цыклоны прадоўжаць атакаваць і з захаду, і з поўдня.

Ці варта рызыкаваць і выходзіць з дому без парасона на наступным тыдні, расказаў у эфіры дзяржТВ сіноптык Дзмітры Рабаў.

Надвор'е на пачатку тыдня

У першыя дні на Беларусь прыйдуць атмасферныя фронты з Захаду Еўропы.

Яны прынясуць на большую частку тэрыторыі краіны кароткачасовыя дажджы і навальніцы.

Вецер будзе паўднёва-заходні, сярэдні, пры навальніцах парывісты – да 15–20 метраў за секунду, моцныя ліўні. Вільготнасць паветра складзе блізу 90 адсоткаў.

Уначы тэмпература будзе ад +12 да +17°C. Днём у панядзелак ад +20°C па ўсходзе да +28°C па паўднёвым захадзе, у аўторак – ад +17°C у заходніх раёнах да +28°C у паўднёва-ўсходніх.

Сярэдзіна тыдня не лепшая

І зноў у краіну прарвецца порцыя вільготных, няўстойлівых паветраных масаў, якія ў тым ліку прынясуць невялікае пахаладанне.

Чакаюцца воблачнасць і ападкі. Часам пройдуць лакальныя кароткачасовыя дажджы, магчымыя навальніцы. Вецер заходні, сярэдні, пры навальніцах парывісты. Вільготнасць да 90 адсоткаў.

У сераду ноччу значэнні слупка тэрмометра будуць вар'іравацца ад +11 да +16°C, у дзённыя гадзіны – +20…+24°C.

З чацвярга Беларусь будзе знаходзіцца ў галіне высокага атмасфернага ціску, а дажджы рознай інтэнсіўнасці не будуць спыняцца.

Тэмпература ноччу складзе ад +11 да +17°C. Днём у чацвер +20…+26°C, у пятніцу ад +17°C па паўночным захадзе да +24°C паўднёвым усходзе.

Выхадныя таксама паплывуць

У суботу і нядзелю адпачыць ад дажджоў не атрымаецца. Таксама ёсць вялікая верагоднасць навальніцаў.

Вецер будзе заходні, паўночна-заходні, сярэдні. Уначы і раніцай чакаецца туман, а вільготнасць упадзе да 80%

Уначы будзе ад +9 да +14°C, у сярэдзіне дня ў суботу ад +17°C у Гародні, да +28°C у Гомелі, у нядзелю да +25°C.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]