General Motors паказалі сямімесны красовер усяго за $10 тысяч
12- 19.07.2025, 11:18
- 7,694
Апублікаваныя першыя фота таннага сямейнага аўто.
Апублікаваныя першыя фота Wuling Starlight 560. Танны сямейны красовер пачнуць прадаваць з чацвёртага квартала гэтага года ў бензінавай, гібрыднай і электрычнай версіях.
Кошт Wuling Starlight 560 складзе прыкладна 10 000 даляраў. Першыя падрабязнасці мадэлі раскрылі на сайце Autohome.
Як і большасць мадэляў Wuling, вялікі красовер Starlight 560 створаны пры ўдзеле спецыялістаў General Motors, бо амерыканскі канцэрн з'яўляецца суўладальнікам кітайскага брэнда разам з SAIC.
Новы Wuling Starlight 560 з'яўляецца субратам мінівэна Xingguang 730, які рассакрэцілі нядаўна. У яго запазычылі платформу і шэраг кампанентаў.
Красовер Wuling Starlight 560 адрозніваецца гранёным дызайнам з высокім капотам, выяўленымі крыламі і буйнымі даўгаватымі фарамі. Бензінавая і гібрыдная версіі мадэлі атрымалі шырокія краткі радыятара, а вось электракар іх не мае. Стандартнымі з'яўляюцца 18-цалевыя колы.
Памеры Wuling Starlight 560:
даўжыня-4745 мм;
шырыня-1850 мм;
вышыня-1755 мм;
колавая база-2810 мм.
Салон Wuling Starlight 560 не паказалі, аднак вядома, што на пярэдняй панэлі ўсталююць два экраны. Красовер прапануюць у варыянтах на 5 і 7 месцаў.
Затое вядомыя папярэднія характарыстыкі Wuling Starlight 560. Бензінавы варыянт мадэлі атрымае 1,5-літровую 177-моцную турбочацвёрку і здольны развіць 180 км/г.
У плагін-гібрыдзе ўсталююць 1,5-літровы атмасферны рухавік на 105 л. с. і электраматор (яго характарыстыкі трымаюць у сакрэце), а максімальная хуткасць складзе 170 км/г. Электрамабіль Wuling Starlight 560 будзе 136-моцным і зможа развіваць 160 км/г.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
