Дастане да Масквы: Нямеччына і Брытанія створаць «супер-Taurus»

З'явілася першая інфармацыя пра ракету.

Нямеччына і Вялікабрытанія, якія падпісалі 17 ліпеня стратэгічную дамову, якая прадугледжвае, узаемадапамогу ў справе абароны адзін аднаго, дамовіліся аб пачатку працы над ракетай далёкага дзеяння новага пакалення «супер-Taurus».

Масква пад прыцэлам

Як паведамляе The Telegraph, такая ракета павінна быць распрацаваная цягам найбліжэйшых 10 гадоў. Пакуль што падрабязнасцяў аб новым ўзбраенні мала, аднак вядома, што далёкасць ракеты павінна скласці 2000 км. Такім чынам, «супер-Taurus» зможа дастаць з Бэрліна да Масквы (ад нямецкай сталіцы да сталіцы РФ наўпрост 1663 км).

Новая ракета стане мадэрнізацыяй існай нямецкай сістэмы Taurus, далёкасць якой складае блізу 500 км. Нямеччына мае блізу 600 такіх боепрыпасаў, і яны разглядаюцца як адныя з самых магутных у арсенале краіны.

Ракеты Taurus рэгулярна станавіліся прадметам грамадскіх і палітычных дыскусій у сувязі з адмовай нямецкага ўрада перадаваць гэтае ўзбраенне Украіне. Умацаванне сувязяў саюзнікаў падпісанае пагадненне паміж Бэрлінам і Лонданам прадугледжвае ўзаемную падтрымку ў сферы абароны і каардынацыю вайсковых паставак.

Журналісты называюць гэта пагадненне самым маштабным паміж дзвюма краінамі з часоў заканчэння Другой сусветнай вайны. Дамова таксама з'яўляецца часткай фармаванага «трохкутнага альянсу» паміж Вялікабрытаніяй, Нямеччына і Францыяй – ініцыятывы, накіраванай на ўмацаванне бяспекі Еўропы на фоне далейшай пагрозы з боку Расеі.

Нягледзячы на тое, што абедзве краіны ўжо звязаныя абавязкамі паводле артыкула 5 Статута NАТО, новае пагадненне заклікана ўзмацніць двухбаковае супрацоўніцтва ў абароннай сферы.

Нямеччына - ключавая вайсковая дзяржава Еўропы

«Праект «супер-Taurus» паміж Вялікабрытаніяй і Нямеччына, які афіцыйна яшчэ не пацверджаны, з'яўляецца часткай больш шырокіх намаганняў Мэрца для ператварэння Нямеччыны ў ключавую вайсковую дзяржаву Еўропы», – адзначае выданне.

У траўні лідар ХДУ правёў гістарычныя рэформы, якія адкрылі магчымасць для неабмежаванага фінансавання абароны ў Нямеччыне.

Мэрц таксама стварыў спецыяльны інфраструктурны фонд на суму 500 млрд еўра (430 млрд фунтаў стэрлінгаў) для рамонту зношанай дарожнай і чыгуначнай сеткі краіны – інфраструктуры, неабходнай для перакідання танкаў і войскаў на ўсходні фланг NАТО ў выпадку вайны з Расеяй.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]