«Гэта ж настолькі трэба давяраць людзям!»
4- 15.07.2025, 14:50
- 6,628
У Берасцейскай вобласці адкрылі незвычайную краму.
У вёсцы Ракітна Лунінецкага раёна Берасцейскай вобласці з'явіўся свой аналаг крамы самаабслугоўвання, праца якой, як заявілі наведвальнікі, «створаная на чалавечай сумленнасці».
Журналісты Telegraf.news паглядзелі, як усё ўладкавана і якім коштам там можна купіць свежыя памідоры, агуркі, капусту з кабачкамі.
Мяркуючы з кадраў, якія выклалі ў TikTok наведвальнікі, шапік самаабслугоўвання арганізавалі на адным з прыватных пляцаў, паставіўшы невялікі навес, а ўнутры — па перыметры прылаўкі са свежай гароднінай і мяшкамі. На адным са сталоў размясцілі шалі, калькулятары і невялікую скрынку, у якую пакупнікам прапануецца складаць грошы за тавар і браць адтуль рэшту пры неабходнасці.
«Гэта настолькі трэба давяраць людзям! Самі набіраюць, самі ўзважваюць, самі кладуць грошы», - здзівілася такой ступені даверу да пакупнікоў аўтар роліка.
@iraina_opop Это что-то на подобии касс самообслуживания в торговых центрах,но построено на человеческой честности👍 Если честно ,то такое я видела в первый раз . Брестская область, Лунинецкий район,д.Ракитно #рек #хочуврек #человечность #лето #2025 ♬ оригинальный звук - iraina_opop
Дзяўчына не ўдакладніла, ці ёсць у гэтым шапіку самаабслугоўвання камеры відэаназірання, якія звычайна з'яўляюцца абавязковым элементам абсталявання гандлёвых пунктаў, якія працуюць паводле прынцыпу самаабслугоўвання. А вось расплаціцца картай, мяркуючы з усяго, тут таксама можна - на адным з кадраў відаць аб'ява з указаннем нумара разліковага рахунку, на які можна пералічыць грошы праз сістэму АРІП.
Што з цэнамі?
Падзялілася аўтарка роліка і коштамі на свежую гародніну ўладальніка шапіка самаабслугоўвання:
Агуркі - 3 рублі, некандыцыя - 2 рублі,
Памідоры - ад 5,5 да 7,5 рубля (у залежнасці ад гатунку),
капуста - 2 рублі,
бульба - 3 рублі, дробная - 2 рублі,
цыбуля - 2 рублі,
цыбуля пёркі - 1 рубель,
буракі - 3 рублі,
кабачкі - 2 рублі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
