У Смалявіцкім раёне рабаўнік зайшоў у краму і запатрабаваў у касіркі аддаць яму ўсе грошы
4- 14.07.2025, 10:19
- 6,414
Тая адмовілася - мужчына сышоў.
У Смалявіцкім раёне затрымалі мужчыну, які спрабаваў абрабаваць краму, піша zerkalo.io.
На днях 25-гадовы мужчына прыйшоў у адзін з сельмагаў рэгіёна. Падышоўшы да касы, вясковец запатрабаваў у касіркі аддаць яму ўсе грошы.
Нягледзячы на пагрозы, працаўніца гандлёвага аб'екта не паслухала яго і адштурхнула. У гэты час на крыкі жанчыны выбегла ейная калега. Пасля гэтага мужчына сышоў з сельмага, але неўзабаве быў затрыманы.
У дачыненні да вяскоўца распачалі крымінальную справу.