Эстонія гатовая прыняць у сябе знішчальнікі з ядзернай зброяй

Такія самалёты прысутнічалі ўжо на тэрыторыі балтыйскай краіны.

Эстонія гатовая прыняць на сваёй тэрыторыі знішчальнікі, якія могуць несці ядзерную зброю. Пра гэта на фоне рашэння Брытаніі закупіць у ЗША 12 шматцэлявых знішчальнікаў F-35A заявіў эстонскі міністр абароны Хана Пеўкур, перадае ERR.

Са слоў Пеўкура F-35A ужо размяшчаліся ў Эстоніі ў рамках ратацыйнай місіі паветранай паліцыі NATO. Такія практыкі, дадаў кіраўнік Мінабароны, будуць працягвацца і надалей.

«F-35 ужо былі ў Эстоніі, і хутка зноў вернуцца ў парадку ратацыі. Мы гатовыя і надалей прымаць на сваёй тэрыторыі хаўруснікаў, таксама і тых, хто выкарыстоўвае такія платформы», – заявіў Пеўкур.

Раней Politico пісала, што расейскі дыктатар Уладзімір Пуцін можа паспрабаваць захапіць усходнюю Эстонію.Прынамсі, гаворка ідзе пра горад Нарва. Гэта трэці па велічыні горад Эстоніі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com