Генерал Броер: Сувалцкі калідор - гэта адная з самых уразлівых зон альянсу

Расея можа атакаваць NATO да 2029 года.

Начальнік штаба абароны Нямеччыны генерал Карстэн Броер папярэдзіў, што Расея можа пачаць вайсковую атаку на краіны NATO цягам найбліжэйшых чатырох гадоў. У інтэрв'ю BBC ён заявіў, што Масква штогод вырабляе блізу 1500 танкаў і мільёны артылерыйскіх набоеў, частка з якіх назапашваецца, а не адпраўляецца ва Украіну, піша BBC (пераклад - сайт Charter97.org).

З ягоных слоў, Расея стварае новыя вайсковыя структуры, накіраваныя на захад, і «Аналіз паказвае магчымую атаку ў 2029 годзе». Аднак, падкрэсліў генерал, гэта можа здарыцца раней, і «NATO павінна быць гатовае змагацца ўжо сёння».

Броер таксама назваў Сувалцкі калідор (мяжа Літвы, Польшчы, Расеі і Беларусі) адной з самых уразлівых зон альянсу. Ён адзначыў, што краіны Балтыі ўжо адчуваюць непасрэдную пагрозу з боку Расеі.

На ягоную думку, Расея разглядае вайну ва Украіне як частку больш маштабнага канфлікту з NATO. У пацвярджэнне ён падаў выпадкі кібератакі і інцыдэнты з беспілотнікамі побач з еўрапейскай інфраструктурай.

Генерал заклікаў чальцоў альянсу тэрмінова нарошчваць абараназдольнасць. Нягледзячы на розныя пазіцыі некаторых краін, такіх як Вугоршчына і Славакія, ён запэўніў, што NATO захоўвае адзінства. «Я ніколі не бачыў такой згуртаванасці, як цяпер», — заявіў Броер.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com