Politico: ЕЗ плануе павялічыць даходы ад замарожаных расейскіх актываў

Брусэль інвестуе €200 мільярдаў, каб дапамагчы Украіне.

Еўрапейскі Звяз разглядае магчымасць пераводу блізу €200 млрд замарожаных расейскіх дзяржаўных актываў, якія знаходзяцца ў Бельгіі, у больш рызыкоўныя інвестыцыйныя фонды. Гэта дазволіць атрымліваць павышаныя даходы і накіроўваць іх на падтрымку эканомікі Украіны без канфіскацыі асноўнай сумы актываў, піша Politico (пераклад - сайт Charter97.org).

Такі крок дапаможа павялічыць фінансавую дапамогу Украіне ва ўмовах зацяжнога канфлікту і пагроз з боку ЗША спыніць фінансаванне. Актывы былі замарожаныя ў 2022 годзе пасля пачатку поўнамаштабнага ўварвання Расеі.

Мяркуецца, што ЕЗ будзе выдаткоўваць толькі адсоткі ад інвестыцый, захоўваючы першапачатковы капітал, каб пазбегнуць абвінавачанняў у парушэнні міжнароднага права. Раней краіны «Вялікай сямёркі» дамовіліся выдзеліць Украіне €45 млрд, атрыманых ад інвестыцый у замарожаныя актывы, пры гэтым доля ЕЗ складае €18 млрд.

Абмеркаванне стварэння новага інвестыцыйнага фонду запланаванае на сустрэчу міністраў фінансаў краін ЕЗ у Люксембургу. Гэты фонд дасць магчымасць укладваць сродкі ў больш даходныя, але рызыкоўныя актывы, што можа істотна павялічыць даходы для падтрымкі Украіны.

Апроч гэтага, абмяркоўваецца выкарыстанне новага абароннага крэдытнага механізму SAFE для закупаў зброі.

Аднак праект сутыкаецца з юрыдычнымі і фінансавымі перашкодамі: некаторыя краіны ЕЗ, у тым ліку Нямеччына і Італія, выступаюць супраць канфіскацыі актываў, а Вугоршчына пагражае блакаваць прадаўжэнне санкцый, што можа прывесці да вяртання сродкаў Расеі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com