У Беларусі абвешчаны аранжавы ўзровень небяспекі

Адразу на два дні.

Да канца дня 19 чэрвеня ў Беларусі чакаюцца навальніцы і моцныя ліўні, 20 чэрвеня — узмацненне ветру. Пра гэта паведамілі ў Белгідрамеце.

"Сёння, 19 чэрвеня (чацвер), месцамі назіраюцца навальніцы, якія ў перыяд з 14.00 да 19.00 распаўсюдзяцца на большую частку тэрыторыі. Пры навальніцах месцамі чакаюцца моцныя ліўні, град і шквалістае ўзмацненне ветру парывамі 15-20 м/с. У Менску ў гэты перыяд чакаецца навальніца, пры навальніцы месцамі па горадзе — моцныя ліўні. Навальнічная абстаноўка захаваецца да канца дня", - гаворыцца ў паведамленні.

У Белгідрамеце дадалі, што 19 і 20 чэрвеня ў многіх раёнах краіны і ў Менску чакаецца ўзмацненне заходняга, паўночна-заходняга ветру парывамі да 15-20 м/с.

Паводле звестак сіноптыкаў, 20 чэрвеня надвор'е ў Беларусі будуць вызначаць атмасферныя франты і халодная паветраная маса. Будзе воблачна з праясненнямі.

Тэмпература паветра мінімальная ўночы +8...13°C, максімальная ўдзень +12...18°C, па захадзе Беларусі +19...21°C.

Атмасферны ціск уночы істотна не зменіцца, удзень будзе слаба расці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com