Украіна і РФ правялі новы абмен палоннымі
1- 19.06.2025, 15:12
- 6,902
Стала вядома, каго вызвалілі.
Украіна і Расея ажыццявілі новы абмен палоннымі ў чацвер, 19 чэрвеня. Большасць абаронцаў, якіх удалося вярнуць, былі ў палоне з 2022 года.
Пра гэта паведамляе РБК-Украіна са спасылкай на прэзідэнта Украіны Уладзіміра Зяленскага ў Telegram.
"Нашы людзі вяртаюцца дадому з расейскага палону. Гэта ваяры Узброеных Сіл, Нацыянальнай гвардыі, Дзяржаўнай памежнай службы. Большасць з іх знаходзіліся ў палоне з 2022 года”, - паведаміў прэзідэнт.
Дадому вярнуліся абаронцы, якія ваявалі ў Данецкай, Запарожскай, Луганскай, Харкаўскай, Сумскай, Чарнігаўскай і Кіеўскай абласцях. Гэта прадстаўнікі вайсковых марскіх сіл, дэсантна-штурмавых войскаў, сіл тэрытарыяльнай абароны, а таксама Дзяржаўнай памежнай службы і Нацыянальнай гвардыі Украіны.
Як удакладніў Каардынацыйны штаб у пытаннях абыходжання з ваеннапалоннымі, з расейскага палону была вызвалена група цяжкахворых абаронцаў. Ваяры маюць раненні і істотныя праблемы са здароўем.
"Кожны вызвалены сёння абаронца мае цяжкія медыцынскія дыягназы і хваробы ў выніку раненняў і знаходжання ў палоне. У многіх значная страта вагі, дыстрафія, язвы, праблемы са зрокам, захворванні апорна-рухальнага апарата, сардэчна-сасудзістыя хваробы і праблемы са страваваннем”, - паведаміў Каардынацыйны штаб.
Большасць вызваленых ваяроў знаходзіліся ў палоне больш за тры гады. Значная частка з іх трапіла ў палон падчас абароны Марыюпаля. Усе вызваленыя сёння вайскоўцы - прадстаўнікі шараговага і сяржанцкага складу.
Амбудсмэн у правах чалавека Дзмітрый Лубінец адзначыў, што самаму старэйшаму вызваленаму - 63 гады.
Сярод вызваленых таксама ёсць абаронца, у якога сёння дзень нараджэння. Яму споўнілася 45 гадоў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
