The Telegraph: Пуцін цяпер крытычна ўразлівы

Крэмль паставілі ў складанае становішча.

Менш чым праз год пасля падзення рэжыму Башара Асада ў Сірыі прэзідэнт Расеі Уладзімір Пуцін рызыкуе страціць яшчэ аднаго стратэгічнага хаўрусніка на Блізкім Усходзе - Іран. Магутная атака Ізраіля на іранскую вайсковую інфраструктуру не толькі пахіснула пазіцыі Тэгерана, але і стварыла рэальную пагрозу для вайсковага супрацоўніцтва Масквы і Тэгерана, піша журналіст Кон Кофлін для The Telegraph.

З часу нявыканання першапачатковых планаў так званай "спецаперацыі" ва Украіне, Крэмль актыўна ўмацоўваў сувязі з Іранам. Пасля візіту Пуціна ў Тэгеран у 2022 годзе Расея пачала актыўна атрымліваць іранскія беспілотнікі і ракеты, якія былі выкарыстаныя для нападаў на ўкраінскую інфраструктуру. У студзені 2025 года Масква і Тэгеран падпісалі стратэгічнае пагадненне аб 20-гадовым партнёрстве.

Аднак нядаўні маштабны вайсковы наступ Ізраіля паставіў пад пагрозу здольнасць Ірана падтрымліваць Расею. Войска абароны Ізраіля знішчае вытворчасць і пускавыя ўстаноўкі дронаў і ракет, што ўжо прывяло да значнага зніжэння іранскай агнявой актыўнасці. Калі Іран не зможа забяспечыць нават уласную абарону, ён наўрад ці зможа далей падтрымліваць расейскія войскі.

Акрамя таго, падзеі ў Іране ставяць Пуціна ў складанае становішча перад ягоным даўнім партнёрам, прэм'ерам Ізраіля Біньямінам Нетаньяху. Крэмль наўрад ці пойдзе на адкрытую канфрантацыю з Ізраілем, нягледзячы на пагадненне з Іранам аб узаемнай дапамозе ў выпадку нападу.

Сітуацыя таксама выклікае насцярожанасць сярод іншых супольнікаў Тэгерана - Паўночнай Карэі і Кітая. Вайсковая кампанія Ізраіля можа паставіць крыж на шматгадовых партнёрстве, асабліва на энэргетычных дамоўленасцях Пекіна з Іранам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com