У цэнтры Менска з'явілася статуя качкі

Год таму менская качка праславілася ў сацсетках.

Памятаеце качку, якая выседжвала свае яйкі проста ў цэнтры Менска? Дык вось, яе гісторыя атрымала слаўнае заканчэнне.

Лапчатай усталявалі статую з бронзы ля галаўнога офіса АшчадБанка. Прычым зрабілі гэта ў тым самым месцы, дзе качка выседжвала свае яйкі, піша «Точка».

Ідэю арт-аб'екта падказала сама прырода. Год таму менская качка праславілася ў сацсетках, выбраўшы для кладкі клумбу насупраць штаб-кватэры банка.

Супрацоўнікі абгарадзілі тэрыторыю, паставілі паілку і завалілі садавіной. У банку нават прыдумалі птушцы імя – Капейка, але ў народзе прыжылося іншае – СберУтка.

З яек вылупіліся шэсць качанятаў, якіх мама павяла да Свіслачы. Кранальная гісторыя клопату пра дзяцей натхніла АшчадБанк на стварэнне ўнікальнага арт-аб'екта.

Канцэпцыю выбіралі падчас адкрытага конкурсу. Пераможцам стаў Міхаіл Дзмітрук, які працуе інжынерам у газатранспартнай кампаніі. У сваім праекце ён абыграў адвагу і клопат.

Скульптура зробленая ў натуральную велічыню і з высокай дакладнасцю паўтарае знешнасць той самай качкі. Важыць твор мастацтва блізу 20 кг і трывала прымацаваны да клумбы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com