Хамэнэі адхіліў патрабаванне Трампа аб поўнай капітуляцыі

Аятала выступіў з пагрозамі на адрас Вашынгтона.

Пасля закліку прэзідэнта ЗША Дональда Трампа да «безумоўнай капітуляцыі» Ірана вярхоўны лідар Ісламскай Рэспублікі аятала Алі Хамэнэі выступіў з пагрозамі на адрас Вашынгтона. «Усякае ваеннае ўмяшанне супраць Ірана, несумненна, прычыніць ім непапраўную шкоду», - заявіў ён у звароце, зачытаным у тэлеэфіры ў сераду, 18 чэрвеня.

Хамэнэі адхіліў патрабаванне Трампа і падкрэсліў, што з народам Ірана «нельга размаўляць на мове пагроз», пры гэтым іранцы «поўныя рашучасці і будуць супраціўляцца навязанай вайне сапраўды гэтак жа, як навязанаму міру». Іранскія дзяржаўныя тэлеканалы, якія транслявалі зварот Хамэнэі, не паказалі яго, не быў чутны і яго голас.

МЗС Ірана таксама перасцерагло замежныя дзяржавы ад умяшання ў ваенны канфлікт з Ізраілем. Наўпроставае ваеннае ўмяшанне трэцяй краіны можа прывесці да «буйнамаштабнай вайны, якая ахопіць увесь рэгіён і нават выйдзе за яго межы», заявіў прадстаўнік іранскага ведамства Ісмаіл Багаі ў інтэрв'ю тэлеканалу Al Jazeera. Ён дапусціў магчымасць перамоў з ЗША, заявіўшы пры гэтым аб поўнай страце даверу да амерыканскай адміністрацыі.

Напярэдадні Трамп напісаў у сацсетцы Truth Social, што чакае ад Тэгерана «безумоўнай капітуляцыі». Ён таксама заявіў, што ЗША цалкам кантралююць паветраную прастору Ірана, і звярнуўся да Хамэнэі з адкрытай пагрозай. «Мы ведаем дакладна, дзе хаваецца так званы «вярхоўны лідар», - напісаў Трамп і назваў аяталу «лёгкай цэллю». Пры гэтым ён паабяцаў, што іранскі лідар не будзе забіты - «прынамсі, цяпер».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com