Ва Уладзівастоку збілі дыпламатку ЕЗ: расейскага амбасадара выклікалі «на дыван»

Пацярпела дыпламатка з Румыніі.

У расейскім Уладзівастоку напалі на еўрапейскую дыпламатку. Еўразвяз выклікае “на дыван” для тлумачэнняў амбасадара РФ.

Пра гэта паведамляе The Guardian.

Са слоў спікера ЕЗ Аніты Хіпер, Еўрапейскі Звяз выклікаў амбасадара Расеі ў Брусэлі для тлумачэнняў пасля нападу на чыноўніка ў горадзе Уладзівасток у мінулым месяцы.

"Мы асуджаем усялякі гвалт у дачыненні да дыпламатаў ЕЗ. Яны павінны мець магчымасць выконваць свае абавязкі без страху і запалохвання. Бяспека нашых супрацоўнікаў з'яўляецца першачарговай, і мы будзем працягваць пераглядаць абарону нашых дыпламатычных супрацоўнікаў”, - заявіла спікерка ЕЗ.

Напад на дыпламата ЕЗ

Як вядома, на еўрапейскую дыпламатку напалі ва Уладзівастоку 26 траўня. Імя чыноўніка, грамадзянства і стан здароўя не выдаюцца.

Аднак нямецкае выданне Der Spiegel паведаміла, што пацярпелая дыпламатка з Румыніі, якая прыехала ў расейскі горад у афіцыйных справах.

Са звестак СМІ, на жанчыну напалі пасля таго, як яна выйшла з гатэля на ранішні шпацыр. Каля яе спыніўся аўтамабіль, з якога выйшлі двое мужчын. Ёй пагражалі, а затым збілі.

Нямецкае выданне са спасылкай на дыпламатычныя крыніцы ЕЗ паведамляе, што мужчыны нібыта працуюць на расейскія спецслужбы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com