Ізраіль ударыў па вытворчасці цэнтрыфуг для ўзбагачэння ўрану ў Тэгеране

ЦАХАЛ раскрыў дэталі аперацыі.

Ізраільскія вайскоўцы нанеслі ўдары па вытворчасці цэнтрыфуг для ўзбагачэння ўрану ў Тэгеране, паведамілі ў войску абароны Ізраіля (ЦАХАЛ). Як адзначылі ў кіраўніцтве войска, з дапамогай выпуску новых цэнтрыфуг Іран імкнуўся павялічыць маштабы і хуткасць узбагачэння ўрану для стварэння ядзернай зброі. Таксама за мінулую ноч ізраільскія вайсковыя паветраныя сілы (ВПС) атакавалі Іранскія прадпрыемствы, якія вырабляюць сыравіну і кампаненты для зборкі ракет класа «зямля—зямля» і «зямля-паветра». З дапамогай першых Іран наносіць удары па тэрыторыі Ізраіля, а другія выкарыстоўваюцца супраць ізраільскіх ВПС, удакладнілі ў ЦАХАЛ.

Да гэтага Ізраіль ударамі з паветра знішчыў цэнтрыфугі для ўзбагачэння ўрану на іранскім падземным заводзе ў Натанзе. Са слоў кіраўніка Міжнароднага агенцтва атамнай энэргіі (МАГАТЭ) Рафаэля Гросі, цэнтрыфугі маглі быць выведзеныя з ладу ў выніку адключэння электраэнэргіі і разбурэння наземнай часткі завода. Таксама пашкоджанні пасля Ізраільскіх удараў былі зафіксаваныя на ядзерным аб'екце ў іранскім Ісфахане. Там разбураныя чатыры будынкі, адзначыў Гросі: Цэнтральная хімічная лабараторыя, завод канверсіі ўрану, завод вытворчасці паліва для рэактараў і прадпрыемства перапрацоўкі тэтрафтарыду ўрану. У той жа час на месцы завода па ўзбагачэнні паліва ў Фардо і на цяжкаводным рэактары ў Хондаб, які знаходзіцца ў стадыі будаўніцтва, пашкоджанняў не зафіксавана. АЭС у Бушэры не была аб'ектам нядаўніх нападаў і не пацярпела ад іх, як і даследчы рэактар у Тэгеране.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com