Audi абнавіла свой красовер Q3

Фота.

Audi прапанавала красовер Q3 трэцяга пакалення – новая знешнасць, салон і рухавікі.

На новай Q3 дэбютавала оптыка з microLED-модуляў – свецяць тысячы мікрадыёдаў. Такая тэхналогія перасягнула адаптыўныя функцыі і пайшла далей.

Модульная оптыка праецыруе піктаграмы проста на дарогу – для бяспекі. Так машына папярэдзіць пра аб'екты ў сляпой зоне, небяспечныя ўмовы надвор'я.

Audi не эканоміць на тэхналогіях: да галасавога памагатага прыкруцілі штучны інтэлект.

У салоне два экраны прыборнай панэлі на 11,9 цалі, а галоўны дысплэй – 12,8-цалевы. Сістэма мультымедыя працуе на Android.

Самая прыкметная змена ў архітэктуры салона – селектар скрынкі перадачаў пераехаў на рулявую калонку. Стаў перагружаны перамыкач шклоачышчальнікаў і паказальнікаў паваротаў. Затое з'явілася вольнае месца на цэнтральным тунэлі пад бесправадную зарадку, падшклянку і порты USB.

Багажнік новага Q3 – 488 л. А калі скласці задні шэраг атрымаем 1386 л.

У гаме чатыры рухавікі. Але фірмовы поўны прывад «кватра» прапануюць толькі з двухлітровым бензінавым рухавіком на 265 к.с.

Базавая версія красовера атрымала 1,5-літровы рухавік з мяккім гібрыдам, магутнасць 150 к.с.

Самы дарагі Q3 паслядоўны гібрыд: 1,5-літровы рухавік разам з электраматорам развіваюць 272 к.с.

На адной электрацязе такі красовер праедзе да 119 км. Audi пачне адгружаць Q3 дылерам у кастрычніку. Цэннік стартуе ад €44 600.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com