Трамп запатрабаваў безумоўнай капітуляцыі Ірана

Прэзідэнт ЗША заявіў, што ягонае цярпенне на зыходзе.

Прэзідэнт Злучаных Штатаў Дональд Трамп заявіў, што чакае поўнай капітуляцыі Ірана ў вайне з Ізраілем.

«Безумоўная капітуляцыя», – напісаў ён капсам у сваёй сацсетцы Truth Social пасля некалькіх пастоў пра Іран.

Да гэтага амерыканскі лідар заявіў пра поўны кантроль над паветранай прасторай Ірана.

«У Ірана былі добрыя радары і іншае абарончае абсталяванне, і іх было шмат, але яно не параўнаецца з амерыканскім абсталяваннем, распрацаваным і вырабленым у ЗША», – напісаў Трамп.

Таксама Трамп заявіў, што ЗША ведаюць, дзе знаходзіцца вярхоўны лідар Ірана Алі Хаменеі.

«Мы дакладна ведаем, дзе хаваецца так званы вярхоўны лідар. Ён – лёгкая мішэнь, але знаходзіцца ў бяспецы там, дзе ён ёсць – мы не збіраемся ўхіляць яго (забіваць!), прынамсі, пакуль. Але мы не хочам, каб па мірных жыхарах або амерыканскіх салдатах стралялі ракеты. Наша цярпенне на зыходзе. Дзякуй за ўвагу да гэтага пытання!» – напісаў Трамп.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com