Сабаленка нечакана пастанавіла згуляць у міксце

Для выступу ў пары беларуска выбрала экс-бойфрэнда Марыі Шарапавай і Серэны Уільямс.

Арганізатары US Open паказалі спіс з 14 дуэтаў, якія будуць удзельнічаць у турніры змяшаных параў.

Сярод тэнісістаў і тэнісістак ёсць і першая ракетка свету Арына Сабаленка.

Беларуска вернецца да парнай гульні і выступіць разам з 34-гадовым балгарынам Рыгорам Дзімітравым. Апроч поспехаў у тэнісе, ён вядомы тым, што на світанку кар'еры сустракаўся з экс-першымі ракеткамі свету Марыяй Шарапавай і Серэнай Уільямс.

Спаборніцтвы ў міксце пройдуць у 2025 годзе за тыдзень да пачатку адзіночнага турніру – з 19 да 20 жніўня.

Фармат матчаў будзе адрознівацца ад класічнага: першыя два сэты згуляюць да чатырох пераможных геймаў без правіла «больш-менш», а пры ліку 4:4 адбудзецца тай-брэйк.

У выпадку роўнасці ў сэтах вызначальным стане супер-тай-брэйк да 10 балаў.

Фінальны матч турніру пройдзе паводле больш традыцыйных правілаў: да шасці геймаў у першых двух сэтах, а таксама без разгулянкі «больш-менш».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com