Лукашэнка панічна баіцца атакі беспілотнікаў

У краіне зробяць больш жорсткім пакаранне за дроны.

Пакаранне за ўвоз, выраб і выкарыстанне беспілотных лётных апаратаў плануюць змяніць у Беларусі, піша БелТА.

«Палата прадстаўнікоў» зусім хутка ў першым чытанні разгледзіць новы законапраект пад назвай «Аб змене кодэксаў у пытаннях адміністрацыйнай і крымінальнай адказнасці».

У ім прапісаныя новыя – стражэйшыя – захады пакарання за выкарыстанне БПЛА на тэрыторыі краіны.

Сярод іншага, за незаконныя ўвоз, захоўванне, зварот, эксплуатацыю і выраб беспілотнікаў можа пагражаць да двух гадоў пазбаўлення волі.

Вядома, што спачатку плануюць штрафаваць. Але калі парушэнні будуць учыненыя вінаватай асобай цягам года пасля змушэння да адміністрацыйнай адказнасці, то надыходзіць ужо крымінальная (паводле артыкула КК Беларусі).

Таксама законам уводзіцца адміністрацыйная адказнасць за кіраванне незарэгістраваным цывільным паветраным караблём або палёты без неабходнай бартавой дакументацыі.

Апроч усяго іншага, падпадуць пад пакаранне выпадкі, калі кіраванне дронам выконвае асоба, якая не мае на гэта права. Асобна прапісваецца адказнасць за парушэнне патрабаванняў у дзяржаўным уліку і эксплуатацыі беспілотнікаў.

Як адзначылі ў «палаце прадстаўнікоў», мэта падрыхтоўкі законапраекта – гарантаванне нацыянальнай і грамадскай бяспекі, а таксама бяспекі палётаў пры выкарыстанні паветранай прасторы краіны для запуску цывільных беспілотных лётных апаратаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com