У Слоніме злавілі зладзюжак у масках Якубовіча

Яны залезлі ў дом і падмянілі грошы на сувенірныя.

Двое мужчын прыехалі ў Слонім з Баранавічаў. Яны пакінулі аўтамабіль у лесе, пераселі на ровары і сталі сачыць за домам, які можна было б абакрасці.

У новым мікрараёне на ўскраіне горада яны заўважылі пляц з дагледжаным домам і гаражом. Яны пачалі сачыць за жыхарамі, і раніцай 16 чэрвеня, калі тыя пакінулі дом, адзін са злодзеяў вярнуўся да аўтамабіля, а другі пракраўся ўнутр.

34-гадовы мужчына хутка знайшоў у спачывальні ашчадак ў рознай валюце і ювелірныя ўпрыгажэнні. Грошы ён падмяніў на сувенірныя купюры, каб здабыць час. З дому злодзей вынес 20 тысяч рублёў і 11 упрыгажэнняў на суму 8 тысяч. Прыяцелі селі ў аўто і паехалі ў Баранавічы.

Гаспадыня вярнулася дадому да абеду і адразу выявіла прапажу грошай. Яна патэлефанавала ў міліцыю, і сілавікі затрымалі злодзеяў па дарозе ў Баранавічы, піша СК.

Усе выкрадзенае знайшлі ў аўто ў затрыманых. Акрамя таго, у аўто знайшлі ровары, мабільныя тэлефоны, маскі з тварам Якубовіча, шалік, пальчаткі, біноклі, радыёстанцыі, стамескі, лом, нож, электрашокер і пярцовыя балоны. Увогуле, злодзеі рыхтаваліся да налёту старанна.

На мужчын завялі крымінальную справу аб крадзяжы на вялікую суму.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com