Галодныя расейцы пад Ліманам масава здаюцца ў палон
21- 17.06.2025, 20:46
- 25,870
Акупанты скардзяцца на «вельмі горкую траву».
На Ліманскім кірунку захопнікі літаральна адзін за адным здаюцца ў палон, кажучы, што камандзіры кідаюць іх на волю лёсу без ежы і вады. Пра апошнія месяцы, проста «перанасычаныя» палоннымі, расказаў прадстаўнік 63-й асобнай механізаванай брыгады УСУ Расціслаў Яшчышын, як паведамляюць у агенцтве пры Мінабароны «АрміяInform».
Паводле ягоных словаў, столькі ахвотных здацца ў палон ніколі яшчэ не было. Прычына – у расейскіх камандзірах, якія кідаюць падначаленых, прымушаючы іх выжываць.
«Вядома, яны не прыйшлі сюды здавацца ў палон. Яны адстрэльваюцца пакуль могуць. Але зразумеўшы бязвыхаднасць сітуацыі, здаюцца. Расказвалі, напрыклад, што ў нашых краях вельмі горкая трава, а раніцай няма расы. Калі спрабавалі выпрасіць нейкую правізію, ім скідалі расейскі сцяг. Каб яны з ім там пабегалі, паздымалі», – растлумачыў Яшчышын.
Паводле ягоных словаў, ёсць і непрыемная тэндэнцыя – даволі шмат палонных з іншых краінаў. Напрыклад з Казахстана, Узбекістана, Таджыкістана і Арменіі.
«Няцяжка здагадацца, адкуль яны там узяліся. Гэта людзі, якія прыехалі на заробкі», – адзначыў вайсковец.
Ён удакладніў, што для атрымання расейскага грамадзянства замежнікам прапануюць падпісаць кантракт з УС РФ. Гавораць, што трэба адваяваць год, і тады можна будзе атрымаць пашпарт.
«Гэта значыць, у іх ёсць мэта: зарабіць грошы і атрымаць расейскі пашпарт. У прынцыпе гэта ўсё», – падсумаваў афіцэр.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
