G7 нечакана ўзгадніла заяву аб Блізкім Усходзе

Іран названы «галоўнай крыніцай рэгіянальнай нестабільнасці».

Прэзідэнт ЗША Дональд Трамп ды іншыя лідары краін «Групы сямі» (G7, «Вялікай сямёркі») нечакана дамовіліся аб супольнай заяве з нагоды сітуацыі на Блізкім Усходзе. У тэксце дакумента, апублікаваным позна ўвечары ў панядзелак, 16 чэрвеня, арганізатарам саміту - Канадай, Іран названы «галоўнай крыніцай рэгіянальнай нестабільнасці і тэрору» і падкрэслена права Ізраіля на самаабарону. Кіраўнікі дзяржаў і ўрадаў G7 таксама пацвердзілі сваю даўно вядомую пазіцыю, згодна з якой ні ў якім разе нельга дазволіць Ірану займець ядзерную зброю, паведамляе «Нямецкая хваля».

Супольнае камюніке было ўзгоднена праз некалькі гадзін пасля таго, як Белы дом абвясціў, што Трамп датэрмінова вернецца ў Вашынгтон праз крызіс на Блізкім Усходзе і адмовіцца ад удзелу ў другім дні саміту.

Тым часам сам Дональд Трамп напісаў на сваёй платформе Truth Social, што вярнуўся ў Вашынгтон зусім не праз «замірэнне паміж Ізраілем і Іранам», як сцвярджаў прэзідэнт Францыі Эмануэль Макрон, і абвінаваціў таго ў распаўсюдзе фальшывай інфармацыі. «Няпраўда! Ён не мае ні найменшага паняцця, чаму я цяпер накіроўваюся ў Вашынгтон, але гэта ўжо сапраўды не мае нічога агульнага з замірэннем», - запэўніў Трамп. З ягоных слоў, ідзе пра нешта «значна больш важнае» «Адмыслова ці не, але Эмануэль заўсёды ўсё няправільна разумее», - дадаў амерыканскі прэзідэнт.

Адсутнасць прамой крытыкі на адрас Ізраіля

У заяве вядучых дэмакратычных эканамічных дзяржаў не ўтрымліваецца прамой крытыкі дзеянняў Ізраіля супраць Ірана, адзначаецца толькі важнасць абароны цывільнага насельніцтва падчас канфлікту і паказваецца, што пастановы іранскага крызісу павінны спрыяць больш шырокай дээскалацыі напружанасці на Блізкім Усходзе, уключаючы спыненне агню ў сектары Газа.

У дакуменце гаворыцца, што G7 будзе і надалей старанна адсочваць уплыў бягучага канфлікту на міжнародныя энэргетычныя рынкі і ў выпадку неабходнасці распачнуць разам з аднадумцамі скаардынаваныя дзеянні для гаратнавання стабільнасці рынкаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com