Банкі паднеслі «сюрпрыз» беларусам

Стаўкі для новых укладаў падаюць, а за крэдыты — растуць.

Нацыянальны банк Беларусі апублікаваў звесткі аб сярэдніх працэнтных стаўках крэдытна-дэпазітнага рынку за травень гэтага года, піша myfin.by.

Паводле інфармацыі Нацбанка, у траўні сярэдняя стаўка новых тэрміновых рублёвых укладаў фізічных асоб скарацілася да 12,73% гадавых – гэта на 0,11 адсоткавага пункта менш у параўнанні з красавіком.

Стаўкі на адклікальных укладах фізічных асоб выраслі да 8,25% гадавых (+0,41 адсоткавага пункта), а на безадклікальных укладах упалі да 13,14% гадавых (-0,15 адсоткавага пункта ).

Сярэдняя стаўка на новых тэрміновых укладах юрыдычных асоб у беларускіх рублях у параўнанні з красавіком зменшылася на 1,31 адсоткавага пункта – да 10,29% гадавых.

Стаўка на адклікальных дэпазітах у нацыянальнай валюце знізілася на 1,37 адсоткавага пункта да 9,99% гадавых, а на безадклікальных – на 1,04 адсоткавага пункта да 12,09% гадавых.

У траўні сярэдняя стаўка на новых рублёвых крэдытах (не ўлічваючы льготных) вырасла ў параўнанні з узроўнем папярэдняга месяца ўсяго на 0,03 адсоткавага пункта да 12,23% гадавых.

Стаўка на крэдытах для фізічных асоб склала 11,10% гадавых (+0,07 адсткавага пункта), А для юрыдычных асоб – 12,36% гадавых (+0,03 адсоткавага пункта).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com