Міністр абароны Брытаніі звярнуўся з пасланнем да Масквы

Лондан гатовы ваяваць.

Абаронны агляд Вялікай Брытаніі пашле «пасланне Маскве» пра гатоўнасць краіны ваяваць, калі гэта будзе неабходна. Пра гэта заявіў міністр абароны Брытаніі Джон Гілі ў інтэрв'ю BBC.

Такая заява прагучала пасля таго, як урад краіны абвясціў, што выдаткуе 1,5 млрд фунтаў стэрлінгаў на будаўніцтва сама менш шасці новых абаронных заводаў і створыць 1800 працоўных месцаў па ўсёй Вялікай Брытаніі.

У BBC падкрэслілі, што ў стратэгічным абаронным аглядзе, які будзе апублікаваны ў панядзелак, зробяць выснову пра тое, што Брытанія стаіць перад «новай эпохай пагрозаў» і будзе папярэджаная пра «непасрэдную і неадкладную» небяспеку з боку РФ і іншых краінаў, у тым ліку Кітая.

Паводле словаў Гілі, агляд вызначыць «новыя буйныя інвестыцыі ў нашу нацыянальную бяспеку» і пашле магутны сігнал варожым краінам.

Таксама міністр абароны падчас свайго візіту на завод у Стывенэйджы, дзе збіраюць ракеты Storm Shadow, адзначыў, што ўрад падтрымае набыццё да сямі тысячаў адзінак зброі вялікай далёкасці айчыннай вытворчасці.

У Мінабароны краіны дадалі, што дзякуючы новаму фінансаванню выдаткі Вялікай Брытаніі на боепрыпасы дасягнуць 6 млрд фунтаў стэрлінгаў.

«Шэсць мільярдаў цягам наступных пяці гадоў на такіх заводах, як гэты, дазволяць нам не толькі вырабляць боепрыпасы, якімі мы аснасцім нашы войскі ў будучыні, але і створаць працоўныя месцы ў кожнай частцы Вялікай Брытаніі – 1800 новых працоўных месцаў у кожнай краіне Злучанага Каралеўства», – запэўніў Гілі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com