Украінская СЗВ: Масква можа страціць фінансавую падушку ў 2026 годзе

Санкцыі працуюць.

За тры гады поўнамаштабнага ўварвання Расея выдаткавала большую частку свайго Фонду нацыянальнага дабрабыту (ФНБ). Але ў 2026 годзе Масква таксама можа застацца цалкам без фінансавай падушкі.

Пра гэта паведамляе ўкраінская Службы знешняй выведкі.

Як зазначаецца, калі цяперашнія санкцыйныя абмежаванні будуць захоўвацца, а Захад узмоцніць кантроль за абыходам нафтавых санкцый, у 2026 годзе Расея можа страціць апошнія рэшткі фінансавай падушкі.

Паводле афіцыйных звестак, у пачатку ліпеня 2022 года аб'ём ліквіднай часткі фонду складаў 145 млрд даляраў. Ужо праз год гэтая сума скарацілася амаль удвая – да 78 млрд, а на 1 траўня 2025 года засталося толькі 39 млрд. Такім чынам, рэзервы Расеі зменшыліся амаль у чатыры разы.

Акрамя таго, СЗВ адзначае, што пры ўмове падзення сярэдняга кошту нафты Brent да 64 даляраў за бараль у 2025 годзе і да 60 даляраў у 2026-м, бюджэт РФ, які ў значнай ступені залежыць ад энэргарэсурсаў, будзе пад сур'ёзным фіскальным ціскам.

У выведцы таксама адзначылі, што эканамічная сітуацыя ўнутры краіны пагаршаецца: праекты «Расатама» на 2025 год недафінансаваныя на 80%, чыгуначныя перавозкі падаюць, а ў здабыўной, металургічнай і будаўнічай галінах фіксуецца спад. У той самы час шэраг буйных кампаній прыпынілі выплату дывідэндаў.

«Нягледзячы на гэта, Масква прадаўжае дэманстраваць упэўненасць у стабільнасці эканомікі. Але дзяржаўная прапаганда не здольная схаваць рэальныя маштабы крызісу – сыравінная мадэль эканомікі РФ імкліва страчвае эфектыўнасць», – рэзюмавалі ў СЗВ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com