«Перад падзеннем пасажыры чулі выбух»

У Расеі пасля падзення моста загаварылі пра дыверсію.

Як паведамляе канал «ВЧК-ОГПУ», пасажыры цягніка №86 Клімаўск – Масква непасрэдна перад падзеннем моста чулі выбух. Следчыя разглядаюць версію дыверсіі, тым больш што нядаўна паблізу быў знойдзены тайнік з выбухоўкай, сцвярджае канал.

У Бранскай вобласці вечарам 31 траўня абрынуўся мост, па якім рухаўся пасажырскі цягнік нумар 86 Клімаўск – Масква. У выніку здарэння загінулі сем чалавек, дзясяткі атрымалі траўмы.

На мосце падчас здарэння знаходзіліся фура і легкавік, якія разам з мостам упалі проста на галоўную частку цягніка.

У цягніку было 11 вагонаў, у ім знаходзіліся 464 пасажыры. Паводле апошняй інфармацыі, загінулі 7 чалавек, у тым ліку два машыністы, чые целы яшчэ застаюцца пад заваламі.

Месца аварыі ўяўляе сабой груду зламанага металу.

Крыніца тэлеграм-канала таксама адзначае, што блізу двух тыдняў таму ў тым самым Выгоніцкім раёне, прыкладна за 50 кіламетраў ад Бранска, было знойдзенае сховішча з выбухоўкай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com