7 чэрвеня 2025, Субота, 17:48
Падтрымайце
сайт
Сім сім,
Хартыя 97!
Рубрыкі

Украінскія самалёты F-16 і Mirage падключаць да «вайсковага Wi-Fi» NATO

4
Украінскія самалёты F-16 і Mirage падключаць да «вайсковага Wi-Fi» NATO

Што гэта значыць?

Украіна падключаецца да авіяцыйнай сістэмы NATO. Самалёты УСУ будуць каардынавацца з хаўруснікамі праз лічбавы інтэрфейс.

Пра гэта распавяла намесніца міністра абароны ў пытаннях цыфравізацыі Кацярына Чарнагорэнка, паведамляе РБК-Украіна.

Украіна падпісала ліцэнзійную дамову на выкарыстанне праграмнага забеспячэння NATO – Сістэмнага інтэрфэйсу Цэнтра кіравання і абвесткі (CRC System Interface, CSI).

Гэты крок дазволіць украінскім Паветраным сілам працаваць у адзінай лічбавай сістэме з авіяцыяй краін Альянсу.

CSI - гэта частка баявой сістэмы кіравання, якая працуе праз пратакол Link-16, вядомы як «вайсковы Wi-Fi» NATO.

Менавіта праз яго ажыццяўляецца абмен інфармацыяй паміж самалётамі (прынамсі, F-16 і Mirage 2000), сістэмамі СПА і ПРА (Patriot) і іншымі кампанентамі абароны.

Пагадненне рэалізавалі дзякуючы супольным намаганням Міністэрства абароны, Генштаба, Паветраных сіл і міжнародных партнёраў.

Праграму выкарыстоўваюць амаль усе сябры Альянсу, таму яе інтэграцыя - ключ да поўнай узаемасумяшчальнасці ўкраінскіх сіл з партнёрамі.

«Не проста марым аб супольных аперацыях з хаўруснікамі, а робім гэта рэальнасцю», - напісала Чарнагоранка.

Напісаць каментар 4

Таксама сачыце за акаўнтамі Charter97.org у сацыяльных сетках