Беларусь пачала закупляць малочную прадукцыю ў Расеі

Рост закупаў ідзе гіганцкімі тэмпамі.

Калі нехта думаў, што без беларускай малочнай прадукцыі Расея не выжыве — час перагледзець харчовы ланцужок. Усё наадварот: гэта Беларусь закупляе малочную прадукцыю ў Расеі. Праўда, малочная дзяржава павялічвае імпарт не масла і не тварагу - а малочнай сыроваткі. Прытым рост закупаў гіганцкімі тэмпамі, піша «Белорусы и рынок».

Калі ў крамах з'явіцца тварог, зроблены на беларускім заводзе, але з расейскай малочнай сыроваткі - не здзіўляйцеся. Гэта не памылка і не выпадковасць, а вынік эканамічнай логікі.
Так, гаворка не пра малако ў бутэльках, а пра сыроватку - той самы пабочны прадукт, які можна перапрацоўваць, сушыць, дадаваць у ёгурты, тваражкі, сыркі і нават дзіцячае харчаванне.

Але ўсё ж па іроніі лёсу, менавіта Беларусь - лідар у закупах малочнай сыроваткі з Расеі. У першым квартале 2025 года закуплена больш за 3 тысячы тон, амаль удвая больш, чым годам раней. Для параўнання: Кітай узяў 2 тысячы тон, Казахстан - 1,4 тысячы, Егіпет і Узбекістан - блізу тысячы. Мы - першыя, і гэта не алімпійскі гонар.

Гэта асабліва пікантна гучыць на фоне афіцыйных прамоў пра «стабільнасць харчовай бяспекі» і «лідара ў экспарце малочнай прадукцыі». Экспарт экспартам, але калі сыравіну вязуць з усходу, узнікае заканамернае пытанне: а што здарылася?

Можна, вядома, сказаць, што гэта проста эканоміка: больш выгадна набыць гатовую сыроватку, чым перапрацоўваць у сябе. Можна. Але можна і спытаць: чаму раней спраўляліся, а зараз ужо не вельмі?

Так што Беларусь зараз краіна, якая ўмее экспартаваць сыр і масла, але набывае аснову для іх у Расеі. Сыроватка праўды такая: харчовыя міфы экспартуюць, а малочныя прадукты - імпартуюць. Гэта не трагедыя. Проста нагода для здаровага аналізу. А іронія - каб не сумаваць, назіраючы за эквілібрыстыкай урада Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com