У РФ забараніў прымалёўваць Пуціну вусы і грыўку Гітлера

Суд у Омску забараніў шэраг мемаў з дыктатарам РФ.

Кіраўскі раённы суд Омска прызнаў забароненымі ў Расеі дванаццаць старонак на сайтах, дзе размешчаныя выявы, якія параўноўваюць Уладзіміра Пуціна з Адольфам Гітлерам, і шэраг іншых мемаў з расейскім дыктатарам.

На гэта звярнула ўвагу «Вёрстка».

У некаторых выпадках пад забарону патрапілі адрэдагаваныя фатаграфіі, на якіх у Пуціна вусы і прычоска як у Гітлера. Напрыклад, праз гэта таксама былі забароненыя і выявы з фільма «Гітлер капут!» з Паўлам Дзеравянкам, апублікаваныя на тых жа старонках.

У іншых выпадках суд забараніў фатаграфіі, якія змяшчаюць надпісы «Путлер капут». Прычым большасць з іх была зробленая на пратэставых акцыях, а надпісы былі нанесеныя на плакаты пратэстоўцаў. Напрыклад, суд забараніў фатаграфію блогера Іллі Варламава, на якой паказаная жанчына з плакатам «Путлер, выпі яду, пакуль не пачаставалі свінцом».

Акрамя гэтага суд забараніў старонку на сайце Вершы.ру, дзе размешчаная выява з Пуціным, які прыстаўляе да галавы рэвальвер, і надпісам «Як выратаваць Расею ад ганьбы», а таксама старонку ў ЖЖ, на якой апублікаваная выява, стылізаваная пад вокладку часопіса «Кракадзіл» з фатаграфіяй Пуціна і надпісам: «У судзе пачаўся разгляд справы ў сутнасці. Сутнасць заявіла, што яна невінаватая».

Забараніць карцінкі запатрабавалі супрацоўнікі пракуратуры Омска. На іх думку, выявы «негатыўным чынам адбіваюцца на інтарэсах грамадства і дзяржавы, падахвочваюць нявызначанае кола асобаў да здзяйснення тэрарыстычнай дзейнасці, злачынстваў і спрыяюць іх здзяйсненню».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com