Асуджаны за п'янае ДТЗ актор Міхаіл Яфрэмаў прыедзе здымацца ў Беларусь

Расейскага актора не так даўно вызвалілі праз УДВ.

Актор і былы зняволены Міхаіл Яфрэмаў вернецца да здымкаў у кіно ўжо ўлетку 2025-га, даведаўся Mash.

Больш за тое, ён адразу атрымае галоўную ролю ў новым фільме.

Паведамляецца, што актор падпісаў кантракт на ₽13 млн (амаль $165 тыс.), траціна з якіх – ужо на руках.

Паводле інфармацыі Mash, перамовы пра вяртанне на экраны ўжо мінулі, дамова аформленая.

Падрабязнасцяў пра новы праект, ягоных аўтараў і рэжысёраў пакуль няма, але Telegram-каналы пішуць, што здымкі пачнуцца ў канцы жніўня 2025-га ў Маскве, а скончацца і ўвогуле ў Беларусі.

Пакуль жа Яфрэмаву трэба аднавіцца, устаць на ногі і паправіць здароўе. Са словаў блізкіх, якраз гэтым і планаваў заняцца актор пасля свайго вызвалення.

Тым часам Міхаіл Яфрэмаў ужо амаль два месяцы на волі. З калоніі ў Белгародскай вобласці яго выпусцілі 9 красавіка 2025-га.

Актор Міхаіл Яфрэмаў выйшаў на волю праз умоўна-датэрміновае вызваленне.

Нагадаем, што Міхаіл Яфрэмаў быў асуджаны да васьмі гадоў пазбаўлення волі Прэсненскім судом Масквы 8 верасня 2020-га за трагічны інцыдэнт на Смаленскай плошчы.

У выніку сутыкнення двух аўтамабіляў загінуў кур'ер Сяргей Захараў. Аднак пазней, пасля апеляцыі, Масгарсуд скараціў тэрмін пакарання Яфрэмаву да сямі з паловай гадоў, беручы да ўвагі кампенсацыю маральнай шкоды.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com