«Адціснуты» Лукашэнкам ў прыватніка завод судзіцца з фірмай з Расеі

Спрабуе вярнуць мільённыя пазыкі.

«Мотавелазавод» двойчы судзіўся са смаленскай кампаніяй «Фенікс» з-за даўгоў за пастаўкі. Гэта вынікае з даных судовых паседжанняў, апублікаваных на legat.by. Нягледзячы на рашэнні суда і запыты ў Расею, больш за 2 млн. рублёў да гэтага часу не выплачаныя. Імавернасць атрымаць іх памяншаецца, таму што ў фірмы заблакаваныя рахункі і пачалася яе ліквідацыя, піша «Люстэрка».

За апошні год прадпрыемства двойчы судзілася з расейскай кампаніяй «Фенікс» праз запазычанасці ў разліках. У траўні мінулага года Эканамічны суд Менска пастанавіў, што расейцы павінны выплаціць пазыку па дамове за снежань 2021 года ў памеры 28 млн расейскіх рублёў. А ў сакавіку гэтага года- гаворка ішла пра суму ў 36 млн. расейскіх рублёў. Гэта крыху больш за 1,05 і каля 1,36 млн. беларускіх рублёў адпаведна ў курсе Нацбанка на 29 траўня гэтага года.

У студзені гэтага года беларускі суд падаў заяву расейскім калегам з просьбай уручыць кампаніі з гэтай краіны судовае даручэнне якраз на суму 36 млн. расейскіх рублёў.

Аднак у тых нічога не атрымалася: ліст, адпраўлены фірме, вярнуўся з адзнакай «за заканчэнне тэрміну захоўвання». А прадстаўнікі «Фенікса» не з'явіліся на пасяджанне. У выніку Арбітражны суд Смаленскай вобласці прызнаў выкананне судовага даручэння немагчымым з прычыны, якія не залежаць ад суда (немагчымасць уручэння карэспандэнцыі). Ён таксама пастанавіў накіраваць адпаведнае вызначэнне ў Эканамічны суд Менска.

Ёсць верагоднасць, што мінскі завод не ўбачыць належных яму выплат. Справа ў тым, што фірму ліквідуюць. Да таго ж 26 красавіка гэтага года яе рахункі заблакавалі праз адсутнасць падатковай справаздачнасці.

Гісторыя завода: прыватызавалі, а потым адабралі

Папярэднікам «Мотавелазавода» быў «Мотавела», прыватызаваны бізнэсмэнам Аляксандрам Мураўёвым. Але пасля таго, як яго кампанія не змагла за кароткі тэрмін справіцца з фінансавымі цяжкасцямі і выканаць устаноўленыя чыноўнікамі прагнозныя паказчыкі, прадпрыемства нацыяналізавалі.

На самога бізнэсоўца завялі крымінальную справу за злоўжыванне ўладай ці службовымі паўнамоцтвамі. Мураўёў у 2017 годзе быў асуджаны да 11 гадоў пазбаўлення волі ў справе «Мотавела». Але ў 2023-м ён выйшаў на волю і з'ехаў за мяжу.

З таго часу прадпрыемствам займаюцца прызначаныя дзяржаўныя функцыянеры. Шмат гадоў спачатку «Мотавела», а пасля ягонага банкруцтва «Мотавелазавод», які ўзнік на гэтым месцы, узначальваў былы мэр Менска Мікалай Ладуцька. Аднак вырашыць назапашаныя праблемы завода не ўдаецца да гэтага часу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com