Гіркін: Расею чакаюць велізарныя страты

Экс-верхавод тэрарыстаў «ДНР» раскрытыкаваў ідэю Пуціна.

Планы Крамля аб стварэнні «буфернай зоны» на ўкраінскай тэрыторыі пашыраць лінію фронту, што прывядзе Расею да паразы ў вайне.

Пра гэта ў сваім турэмным лісце напісаў Z-патрыёт, экс-верхавод тэрарыстаў «ДНР» Ігар Стралкоў (Гіркін), піша «Дыялог».

Ён упэўнены, што для Украіны будзе выгадна, калі расейскае войска кінуць на стварэнне «буфернай зоны», пра якую мараць у Крамлі.

«Фронт працягнецца да мяжы з Беларуссю яшчэ на сотні кіламетраў... і ў выніку ўсе нашы рэзервы, якія могуць быць выкарыстаныя для разгрому ўкраінскага войска, будуць паглынутыя аховай гэтай буфернай зоны», калі яшчэ, вядома, яе ўдасца ўзяць, што будзе вельмі няпроста з улікам таго, што супраціўнік будзе жорстка супраціўляцца", — напісаў стралкоў.

Ён упэўнены, што Украіна ўжо загадзя падрыхтавала абарончыя рубяжы ў памежжы, войска Расеі будзе несці каласальныя страты ў спробах яе штурмаваць, і гэта ва ўмовах вострага дэфіцыту жывой сілы на фронце.

Стралкоў падкрэсліў, што спробы наступаць у Сумскай вобласці прывядуць толькі да страт, выгод не прадбачыцца. Удары па тэрыторыі РФ будуць працягвацца, бо беспілотнікі запускаюцца не з памежжа.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com