Нікушор Дан уступіў на пасаду прэзідэнта Румыніі

У сваёй інаўгурацыйнай прамове ён адзначыў неабходнасць маштабных рэформаў у дзяржаве.

У Румыніі ў панядзелак, 26 траўня, адбылася цырымонія інаўгурацыі абранага прэзідэнта краіны Нікушора Дана. Ён прынёс прысягу на пленарным пасяджэнні парламента ў Бухарэсце, піша «Нямецкая хваля».

- Клянуся прысвяціць усе свае сілы і ўменні духоўнаму і матэрыяльнаму росквіту румынскага народа, паважаць Канстытуцыю і законы краіны, абараняць дэмакратыю, асноўныя правы і свабоды грамадзян, суверэнітэт, незалежнасць, адзінства і тэрытарыяльную цэласнасць Румыніі. Ды дапаможа мне Бог, - заявіў Дан, паклаўшы правую руку на Біблію і Канстытуцыю.

У сваёй першай прамове пасля прыняцця прысягі кіраўнік румынскай дзяржавы адзначыў неабходнасць «фундаментальных перамен» у краіне і заклікаў палітычныя партыі дзейнічаць у нацыянальных інтарэсах.

- Румынія мае патрэбу ў фундаментальных пераменах, якія будуць праводзіцца ў адпаведнасці з законам. Я заклікаю ўсіх вас удзельнічаць у гэтым працэсе, каб дабратворна паўплываць на рэфармаванне дзяржаўных інстытутаў, - сказаў Дан.

Пасля цырымоніі ў парламенце Дан накіраваўся ў прэзідэнцкі палац Катрачэнь, дзе прайшла перадача паўнамоцтваў ад часовага прэзідэнта Іліе Балажана.

Прэзідэнцкія выбары ў Румыніі

55-гадовы Дан, матэматык па адукацыі, беспартыйны, у мінулым грамадзянскі актывіст, а ў апошнія гады мэр Бухарэста, перамог на прэзідэнцкіх выбарах у Румыніі. У першым туры, які адбыўся 4 траўня, Дан атрымаў на 20 адсоткаў менш, чым кіраўнік ультраправага «Альянсу за аб'яднанне румын» (ААР) Джорджэ Сіміён, які лідараваў з 41%. У другім туры 18 траўня Дан дадаткова прыцягнуў на свой бок некалькі мільёнаў выбарцаў і дамогся поспеху, набраўшы амаль 54% галасоў супраць 46% у Сіміёна.

Дэпутаты ад ААР не прыйшлі на цырымонію інаўгурацыі. Сіміён, як паведамлялася, звяртаўся ў Канстытуцыйны суд з патрабаваннем ануляваць вынікі галасавання, бо, з яго слоў, у працэс выбараў умяшаліся іншыя краіны. Суд адхіліў ягоны зварот.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com