Амбасадар РФ выкліканы ў МЗС Фінляндыі

Прычына - інцыдэнт з самалётамі.

Міністэрства замежных спраў Фінляндыі выклікала пасла Расеі Паўла Кузняцова ў сувязі з магчымым парушэннем паветранай прасторы краіны расейскімі вайсковымі самалётамі.

Ад расейскага дыпламата запатрабавалі тлумачэнняў у сувязі з гэтым інцыдэнтам, напісала ў сацсетцы X у панядзелак, 26 траўня, міністэрства, не ўказаўшы далейшых дэталяў, паведамляе «Нямецкая хваля».

Між тым фінскі грамадскі вяшчальнік Yle паведаміў, што размова ідзе аб інцыдэнце 23 траўня, калі ля ўзбярэжжа каля Парваа былі заўважаныя два расейскія вайсковыя самалёты. Фінская памежная ахова пачала папярэднюю праверку, а міністр абароны Фінляндыі Анці Хякянен падкрэсліў, што ставіцца да меркаванага парушэння мяжы з усёй сур'ёзнасцю.

Раней Фінляндыя заявіла, што стала адной з краін, якія будуць пастаўляць зброю Украіне на даходы ад расейскіх актываў. Адпаведную дамову ўлады ў Хельсінкі падпісалі з Еўракамісіяй, яе сума ацэньваецца на 90 млн еўраў.

Між тым 22 траўня Польшча паведаміла аб перахопе расейскага бамбавіка Су-24 у міжнароднай паветранай прасторы над Балтыйскім морам. Са слоў міністра абароны Уладзіслава Касіняка-Камыша, расейскі вайсковы самалёт здзяйсняў небяспечныя манеўры, пры гэтым дзеянні пілотаў былі «наўмыснымі і ўяўлялі пагрозу». Польскія ВПС змаглі выявіць, перахапіць і эфектыўна адціснуць расейскі самалёт, указаў далей кіраўнік Мінабароны Польшчы. У сярэдзіне траўня Эстонія абвінаваціла Расею ў парушэнні паветранай прасторы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com