Палітолаг: Пуціна страшна злуе тое, што Зяленскі не зламаўся
8- 24.05.2025, 20:27
- 15,692
Ёсць шэраг прычын, якія не даюць Расеі закончыць вайну.
Пуцін даўно прыдумаў ворага Расеі - у яго ролі традыцыйна выступае Захад. Але, у выпадку з Украінай, гэта не проста вораг. Тут ужо прысутнічае ўнутраная нянавісць Пуціна. І цяпер яна накіраваная, у тым ліку, персанальна на Зяленскага. Такое меркаванне ў эфіры тэлеканала FREEДОМ выказаў палітолаг Уладзімір Фясенка.
"Ягоная нянавісць да Зяленскага паступова назапашвалася, а падчас вайны Пуцін не хавае гэтага. Я думаю, што Зяленскі для яго цяпер, можа быць, галоўны вораг, калі казаць менавіта пра палітыкаў дзейных. Вораг не толькі ў сілу факту вайны. Я думаю, што Пуціна страшна злуе тое, што Зяленскі не зламаўся ў даваенны перыяд, калі яны сустракаліся на перамовах у Парыжы. А ўжо падчас вайны таксама высветлілася, што Зяленскі не такі слабы, як думалася Пуціну. Думаю, што ён выклікае жывёльную агрэсію ў Пуціна, нянавісць фізічную, а не проста як псіхалагічны стан», — адзначыў Фясенка.
Украіна таксама страшна раздражняльная для Пуціна, мяркуе ён.
"Яшчэ летам 2021 года, больш чым за паўгода да ўварвання, Пуцін напісаў вялікі артыкул, дзе фактычна абгрунтаваў тэарэтычна, карыстаючыся псеўдагістарычнымі аргументамі, адмаўленне Украіны. Фактычна ён абгрунтаваў вайну супраць Украіны. Потым гэта стала зразумела, што гаворка ідзе менавіта аб ідэалагічным, нібыта тэарэтычным і гістарычным абгрунтаванні вайны супраць Украіны. Але відавочны факт нянавісці Пуціна да Украіны", - падкрэсліў палітолаг.
І многія экспэрты, з ягоных слоў, не толькі ўкраінскія, але і заходнія, мяркуюць, што калі гаворка ідзе пра так званыя першапрычыны вайны, то гэта і ёсць сам Пуцін.
"Першапрычыны вайны - адзін з улюбёных тэрмінаў цяпер і Пуціна, і расейскай прапаганды. Калі яны спрабуюць неяк абгрунтоўваць нежаданне дамаўляцца аб заканчэнні вайны, кажуць, што трэба ліквідаваць “першапрычыны”. А напраўду першапрычына вайны - гэта сам Пуцін. Адмаўленне Пуціным Украіны. Для яго Украіна - першапрычына вайны, існаванне незалежнай Украіны, якая хоча быць самастойнай, незалежнай ад Расеі, сама вызначаць сваю будучыню, вызначаць сваіх хаўруснікаў, а не быць часткай або марыянеткай Расеі. Вось у чым галоўная прычына. І вось першапрычына вайны - гэта сам Пуцін, сапраўды. У гэтым галоўная праблема", - сказаў спікер.
Нежаданне Пуціна дамаўляцца выклікана комплексам прычын, мяркуе палітолаг.
“Тут ёсць і чыннік фінансава-эканамічны, і палітычны. Многія экспэрты расейскія, апазіцыйныя ў, мяркуюць, што Пуцін баіцца спыняць вайну, бо тады пачнуць вылазіць разнастайныя ўнутраныя праблемы. І не толькі фінансава-эканамічныя. Яны ўжо ёсць. І я думаю, што паступова для Пуціна ўзнікае дылема. З аднаго боку, частка насельніцтва, алігархаў, асабліва блізкіх да Пуціна, зарабляюць на вайне. І яны не хочуць спыняць яе. А кошт вайны ўсё ж такі ўзрастае. Яна ўжо цяпер досыць істотная для Расеі", - акцэнтаваў Фясенка.
Спыненне вайны, мяркуе ён, прывядзе Расею да многіх праблем, з якімі там не ведаюць, як даць рады.
"Тыя, хто цяпер ваюе на фронце, вернуцца ў тыл. Сярод іх шмат злачынцаў. Гэта ўжо цяпер праблема для Расеі, а стане яшчэ большай. Іх жа апраўдалі, і людзі, якія забівалі, гвалтавалі, вернуцца. І гэта будзе велізарная яшчэ і праблема крымінагенная. Для Пуціна гэта таксама такі ўнутраны раздражняльнік. Ён жа хацеў поўнай перамогі над Украінай, але ніяк не можа яе дамагчыся. Таму тут цэлы шэраг прычын, якія не даюць Пуціну закончыць вайну. І чым далей, тым больш гэтых праблем", - сказаў палітолаг.
З прычыны гэтага, перакананы Фясенка, цяпер галоўнае — павялічваць кошт вайны для краіны-агрэсаркі.
"Пуцін ужо стаў, я б сказаў, псіхалагічным і палітычным рабом гэтай вайны. Ён быў яе першай прычынай, а цяпер само яго існаванне палітычнае, звязана з гэтай вайной. І вось такое замкнёнае кола, усё замыкаецца сапраўды на Пуціну. І цяпер самае галоўнае - максімальна павялічыць кошт вайны для Расеі, каб не было іншага выйсця ў Пуціна і ў расейскай верхавіны, як спыніць вайну супраць Украіны", — рэзюмаваў госць эфіру.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
