У Крамлі загаварылі аб сустрэчы Зяленскага і Пуціна

Пяскоў заявіў, што РФ падрыхтуе і перадасць Украіне «пералік умоў».

Прадстаўнік расейскага дыктатара Дзмітрый Пяскоў заявіў, што Расея і Украіна дамовіліся абмяняцца пералікам умоў для спынення агню, і «праца вядзецца».

Яго заяву цытуюць расейскія СМІ, паведамляе Цензор.НЕТ.

З яго слоў, сустрэча Зяленскага і Пуціна магчымая пры дасягненні пэўных дамоўленасцей дэлегацый дзвюх краін.

«Праца па ўкраінскім урэгуляванні будзе працягнутая. РФ падрыхтуе і перадасць Украіне пералік умоў для спынення агню. Для Расеі пры падпісанні дакументаў паміж расейскай і ўкраінскай дэлегацыямі галоўным і прынцыповым з'яўляецца кандыдатура падпісанта ад Украіны», - адзначыў Пяскоў.

Найперш трэба выканаць дамоўленасці, дасягнутыя ў Стамбуле, уключаючы абмен палоннымі 1 000 на 1 000, кажа спікер Крамля.

Акрамя таго, кантактаў РФ і ЗША пакуль не было пасля расейска-ўкраінскай сустрэчы ў Стамбуле, а Крэмль праінфармуе, калі пастановяць правесці размову Пуціна і Трампа.

«Пра якую-небудзь магчымую змену складу дэлегацыі РФ на перамовах з Украінай гаворка не ідзе, праца толькі пачалася. РФ не каментуе выцекі аб выстаўленых на перамовах аб Украіне ўмовах, працэс павінен адбывацца за зачыненымі дзвярыма», – дадаў Пяскоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com