Беларусь трапляе ў «чорны спіс» ЕЗ закона аб барацьбе з абязлесеннем

У гэтым спісе будуць чатыры краіны.

Еўразвяз рыхтуецца прызнаць чатыры краіны высокарызыкоўнымі з пункту гледжання абязлесення. Гэта Беларусь, Паўночная Карэя, М'янма і Расея. Адпаведная пастанова прымаецца ў рамках даўно чаканага закона ЕЗ аб барацьбе з абязлесеннем, перадае Euractiv. Пры гэтым буйныя экспарцёры сыравіны, такія як Бразілія або Інданэзія, змогуць пазбегнуць гэтага статусу.

На працягу апошніх тыдняў дакумент абмяркоўваўся ва ўмовах строгай канфідэнцыйнасці і быў ухвалены ўсімі краінамі-сябрамі ЕЗ у панядзелак 12 траўня.

Каментуючы для Euractiv фігурантаў чорнага спісу, адзін з дыпламатаў ЕЗ называў іх "сапраўднымі злыднямі".

Еўразвяз два гады распрацоўваў сістэму ацэнкі барацьбы з абязлесеннем. У буйных экспарцёраў драўніны (Бразілія, Малайзія і Інданезія) гэты дакумент выклікаў напружанне: яны актыўна лабіявалі, каб не быць у гэтым спісе. У дакументах, апублікаваных летась, Еўракамісія прапаноўвала абмежавацца краінамі, якія ўжо трапілі пад санкцыі ЕЗ ці ААН. Выглядае, што сёлета гэты падыход захавалі.

Пакуль што Еўракамісія адмаўляецца называць краіны, якія патрапяць у канчатковы спіс. Афіцыйна абнародаваць яго плануецца ў чэрвені.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com