У Польшчы заявілі аб новай спробе ўмяшання ў прэзідэнцкія выбары

Што вядома.

У Польшчы Цэнтр аналізу дэзінфармацыі дзяржаўнага інстытута Навукова-акадэмічнай кампутарнай сеткі (NASK) выявіў спробу ўмяшання ў прэзідэнцкія выбары праз платформу Facebook. Пра гэта паведамляецца на сайце NASK у сераду, 14 траўня.

У Цэнтры аналізу дэзінфармацыі заявілі, што знайшлі ў Facebook палітычную рэкламу, фінансаванне якой можа паступаць з-за мяжы. Як паведамілі ў NASK, за апошнія сем дзён старонкі, уцягнутыя ў перадвыбарчую кампанію, выдаткавалі на палітычныя матэрыялы больш, чым кожны выбарчы камітэт.

Гэтыя кампаніі, якія рэалізоўвалі рэкламныя старонкі, былі накіраваныя на кандыдатаў у прэзідэнты Польшчы Рафала Тшаскоўскага, Караля Наўроцкага і Славаміра Менцэна. Як сцвярджаюць у NASK, мэтай такіх дзеянняў была падтрымка аднаго кандыдата і дыскрэдытацыя іншых, а таксама дэстабілізацыя сітуацыі перад прэзідэнцкімі выбарамі.

У Цэнтры аналізу дэзінфармацыі паведамілі, што META заблакавала ўліковыя запісы, якія выкарыстоўваліся для ажыццяўлення гэтай дзейнасці. Цяпер працягваюцца мерапрыемствы па адсочванні паходжання і фінансавання кампаніі.

Раней міністр цыфравізацыі Польшчы Кшыштаф Гаўкоўскі заяўляў, што яго краіна сутыкаецца з беспрэцэдэнтнай спробай умяшання Расеі ў выбары прэзідэнта. Са слоў Гаўкоўскага, роля Польшчы як лагістычнага хаба дапамогі Украіне зрабіла яе ключавой мішэнню для расейскіх дыверсій, кібератак і кампаній дэзінфармацыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com